Úkimet otandyq farmatsevtika ónerkásibin damytý josparyn jasaýy qajet. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Fartsevtika salasyndaǵy saiasat ishki suranysty qamtamasyz etýge, ozyq tehnologiia tartýǵa jáne importty almastyrýǵa baǵyttalǵany jón. Osyǵan orai farmatsevtika jáne meditsina ónerkásibi salasyndaǵy memlekettik saiasatty qalyptastyrý jáne iske asyrý mindeti Densaýlyq saqtaý ministrligine beriledi», - dedi Qazaqstan Prezidenti.
Bul rette Qasym-Jomart Toqaev salany damytý jáne qalypty, tiimdi dári-dármekpen qamtamasyz etýdiń tepe-teńdigi buzylmaýy kerektigin basa aitty.
«Úkimetke otandyq farmatsevtika ónerkásibin damytý josparyn jasaýdy tapsyramyn. Onda naqty kórsetkishter men maqsat-mindetter aiqyndalýy tiis», - dedi Memleket basshysy.
