QR Úkimetiniń qaýlysymen Almaty oblysyndaǵy Kegen jáne Raiymbek aýdandarynyń shekaralary bekitildi, dep habarlaidy "Ult aqparat".
QR Premer-Ministri Baqytjan Saǵyntaevtyń 2018 jyldyń 16 sáýirindegi qaýlysy «Egemen Qazaqstan» gazetinde jariialandy.
Oǵan sáikes, Raiymbek aýdanynyń aýmaǵy 711 937 gektardy quraidy. Shekaralary: soltústik shekarasy Almaty oblysynyń Shálkóde, Súmbe jáne Uzaq batyr aýyldyq okrýgteriniń ákimshilik baǵynysyndaǵy aýmaqtardyń qoldanystaǵy shekaralary boiynsha ótedi jáneUiǵyr aýdanymen shektesedi;
shyǵys shekarasy Súmbe, Narynqol jáne Jambyl aýyldyq okrýgteriniń qoldanystaǵy shekaralary boiynsha jáne Qytai Halyq Respýblikasymen shektesetin Súmbe, Tekes ózen arnalary boiynsha ótetin Qazaqstan Respýblikasynyń memlekettik shekarasy arqyly ótedi;
ońtústik shekarasy soltústik Tian-Shianniń «Han Táńiri» shyńy arqyly Qytai Halyq Respýblikasymen jáne Qyrǵyz Respýblikasymen shektes Jambyl aýyldyq okrýginiń ońtústik-shyǵys bóligi, sondai-aq Tegistik jáne Qaqpaq aýyldyq okrýgteriniń qoldanystaǵy shekaralary boiynsha ótetin Qazaqstan Respýbltikasynyń Memlekettik shekarasy arqyly ótedi;
batys shekarasy Almaty oblysynyń Raiymbek aýdanynyń «Narynqol orman sharýashylyǵy» kommýnaldyq memlekettik mekemesiniń aýmaǵy arqyly Qaqpaq jáne Saryjaz aýyldyq okrýgteriniń qoldanystaǵy shekaralary boiynsha ótedi.
Al Kegen aýdanynyń aýmaǵy 710 298 gektar bolyp bekitildi. Shekaralary:
Soltústikte Almaty oblysynyń Alǵabas, Saty, Uzynbulaq aýyldyq okrýgteriniń qoldanystaǵy shekaralary arqyly Almaty oblysynyń Eńbekshiqazaq jáne Talǵar aýdandarymen shektesedi;
shyǵys shekarasy Almaty oblysy Raiymbek aýdanynyń «Narynqol orman sharýashylyǵy» kommýnaldyq memlekettik mekemesiniń aýmaǵy arqyly Qaqpaq jáne Saryjaz aýyldyq okrýgteriniń qoldanystaǵy shekarasy boiynsha ótedi;
ońtústik shekarasy Qazaqstan Respýblikasynyń Qarqara, Bóleksaz, Shyrǵanaq, Jalańash, Qarabulaq, Saty aýyldyq okrýgteriniń qoldanystaǵy shekaralary arqyly ótetin Qyrǵyz Respýblikasynyń memlekettik shekarasy boiynsha ótedi;
batys shekarasy Almaty oblysy Qarasai aýdanymen shektesetin Saty jáne Alǵabas aýyldyq okrýgteriniń qoldanystaǵy shekarasy boiynsha ótedi.
Qaýly alǵashqy resmi jariialanǵan kúninen bastap qoldanysqa engiziledi.
Eske salaiyq, 2018 jyldyń 2 sáýiri kúni Almaty oblysynyń Raiymbek aýdanyn bólý jolymen Raiymbek jáne Kegen aýdandaryn qurý týraly Elbasy Nursultan Nazarbaevtyń Jarlyǵy shyqqan bolatyn.
Kegen aýdanynyń ákimshilik ortalyǵy - Kegen aýylynda, Raiymbek aýdanynyń ákimshilik ortalyǵy Narynqol aýylynda ornalasady.
8 sáýirde atalǵan eki aýdannyń ákimderi taǵaiyndaldy.
