Qazaqstanda aldaǵy bes jylda agroónerkásip salasyn damytýǵa arnalǵan Ulttyq jospar daiyndalady, dep habarlaidy QazAqparat.
«El Prezidenti Úkimetke agroónerkásip salasyn damytý boiynsha tapsyrmalardy júktedi. Ol mindetterdi aldaǵy bes jylǵa arnalǵan Ulttyq jospar arqyly oryndaý kózdelgen. Qazirdiń ózinde salalyq qaýymdastyqtardyń ókilderi, halyqaralyq sarapshylar, «Atameken» palatasy men biznes salasynyń, agroǵylymnyń ókilderi kirgen jumys toby quryldy. Jumys toby jer resýrstary men qarjylandyrýdyń qoljetimdiligin arttyrý, agroǵylymdy damytý, veterinarlyq jáne fitosanitariialyq qaýipsizdik, sondai-aq shikizattyń ǵana emes, ony óńdeý esebinen eksportty arttyrý máseleleri boiynsha usynystardy ázirleidi», - dedi Premer orynbasary Roman Skliar Úkimettiń baspasóz ortalyǵynda jýrnalisterge.
Onyń aitýynsha, óńdeý salasyndaǵy kásiporyndardyń qýattylyǵyn arttyrý úshin memlekettiń qosymsha qoldaý sharalarynyń kómegimen etti, jemis-jidek, kókónis, qant, bidai, mai, balyq ónimderin óndirý men óńdeý boiynsha eksojúieler qurylady.
Eske sala ketsek, osydan bir apta buryn Qazaqstan halqyna Joldaýyn jariia etken QR Prezidenti Qasym-Jomart Toqaev Úkimet aýyl sharýashylyǵy jerlerin tolyqqandy ekonomikalyq ainalymǵa engizýdiń ózge ádis-tásilderin ázirleýi kerektigin málim etken bolatyn.
