قازاقستاندا الداعى بەس جىلدا اگروٶنەركەسٸپ سالاسىن دامىتۋعا ارنالعان ۇلتتىق جوسپار دايىندالادى, دەپ حابارلايدى قازاقپارات.
«ەل پرەزيدەنتٸ ٷكٸمەتكە اگروٶنەركەسٸپ سالاسىن دامىتۋ بويىنشا تاپسىرمالاردى جٷكتەدٸ. ول مٸندەتتەردٸ الداعى بەس جىلعا ارنالعان ۇلتتىق جوسپار ارقىلى ورىنداۋ كٶزدەلگەن. قازٸردٸڭ ٶزٸندە سالالىق قاۋىمداستىقتاردىڭ ٶكٸلدەرٸ, حالىقارالىق ساراپشىلار, «اتامەكەن» پالاتاسى مەن بيزنەس سالاسىنىڭ, اگروعىلىمنىڭ ٶكٸلدەرٸ كٸرگەن جۇمىس توبى قۇرىلدى. جۇمىس توبى جەر رەسۋرستارى مەن قارجىلاندىرۋدىڭ قولجەتٸمدٸلٸگٸن ارتتىرۋ, اگروعىلىمدى دامىتۋ, ۆەتەرينارلىق جەنە فيتوسانيتارييالىق قاۋٸپسٸزدٸك, سونداي-اق شيكٸزاتتىڭ عانا ەمەس, ونى ٶڭدەۋ ەسەبٸنەن ەكسپورتتى ارتتىرۋ مەسەلەلەرٸ بويىنشا ۇسىنىستاردى ەزٸرلەيدٸ», - دەدٸ پرەمەر ورىنباسارى رومان سكليار ٷكٸمەتتٸڭ باسپاسٶز ورتالىعىندا جۋرناليستەرگە.
ونىڭ ايتۋىنشا, ٶڭدەۋ سالاسىنداعى كەسٸپورىنداردىڭ قۋاتتىلىعىن ارتتىرۋ ٷشٸن مەملەكەتتٸڭ قوسىمشا قولداۋ شارالارىنىڭ كٶمەگٸمەن ەتتٸ, جەمٸس-جيدەك, كٶكٶنٸس, قانت, بيداي, ماي, بالىق ٶنٸمدەرٸن ٶندٸرۋ مەن ٶڭدەۋ بويىنشا ەكسوجٷيەلەر قۇرىلادى.
ەسكە سالا كەتسەك, وسىدان بٸر اپتا بۇرىن قازاقستان حالقىنا جولداۋىن جارييا ەتكەن قر پرەزيدەنتٸ قاسىم-جومارت توقاەۆ ٷكٸمەت اۋىل شارۋاشىلىعى جەرلەرٸن تولىققاندى ەكونوميكالىق اينالىمعا ەنگٸزۋدٸڭ ٶزگە ەدٸس-تەسٸلدەرٸن ەزٸرلەۋٸ كەرەكتٸگٸن مەلٸم ەتكەن بولاتىن.
