Foto: QR SIM
Taiaý Shyǵystaǵy áskeri-saiasi ahýaldyń kúrt kúrdelenýine bailanysty Qazaqstan Respýblikasynyń Syrtqy ister ministrligi Qazaqstan azamattaryna Taiaý Shyǵys elderine buryn josparlanǵan barlyq saparlardy qaita qaraýdy qatań túrde usynady, dep habarlaidy Ult.kz.
Qazirgi ýaqytta jaǵdai men yqtimal táýekelderge jan-jaqty baǵa berilýde, quzyretti memlekettik organdarmen jáne sheteldik seriktestermen úilestirilgen jumys júrgizilýde.
Taiaý Shyǵys óńiriniń birqatar elderinde áýe keńistigin paidalanýǵa ýaqytsha shekteýler engizildi, bul halyqaralyq reisterdiń toqtatylýyna jáne keiinge shegerilýine alyp keldi.
Osyǵan bailanysty SIM Taiaý Shyǵys elderinde, ásirese Qatar men Birikken Arab Ámirlikterinde júrgen Qazaqstan azamattaryna kelesi saqtyq sharalaryn ustanýdy usynady:
- • sabyr saqtap, jergilikti bilik organdary belgilegen qaýipsizdik sharalaryn qatań oryndaý;
- • adamdar kóp jinalatyn is-sharalarǵa qatysýdan jáne áskeri nysandarǵa jaqyndaýdan aýlaq bolý;
- • qabyldaýshy elderdiń resmi organdary men Qazaqstan ókildikteri taratqan aqparatty muqiiat baqylaý;
- • brondalǵan reisterdiń statýsyn jáne elden shyǵý baǵyttaryn turaqty túrde naqtylap otyrý;
- • tómende kórsetilgen jedel bailanys arnalary arqyly Qazaqstan Respýblikasynyń elshilikterimen tikelei bailanysta bolý.
1. Qazaqstannyń Qatardaǵy elshiligi:
+97450649955
+97470910579
kazconsul.doha@gmail.com
doha@mfa.kz
2. Qazaqstannyń BAÁ-degi elshiligi (Ábý Dabi q.):
+97124498778
+971503629805
abudhabi@mfa.kz
3. Qazaqstannyń Dýbaidaǵy bas konsýldyǵy:
+971556103341
+971505701978
dubai@mfa.kz
4. QR Syrtqy ister ministrligi:
+7 (7172) 72 05 00
Taiaý Shyǵys elderindegi QR Syrtqy ister ministrliginiń barlyq diplomatiialyq ókildikteri shtattyq rejimde jumys isteýde, jaǵdaidyń damýyn únemi baqylaýda ustap, Qazaqstan azamattaryna qajetti konsýldyq-quqyqtyq kómekti táýlik boiy kórsetýdi jalǵastyrýda.
