Syrtqy ister ministrligi UQK-niń burynǵy basshysy Kárim Másimovte Vengriia azamattyǵy bar degen qaýesetke qatysty pikir bildirdi, - dep habarlaidy Tengrinews.kz agenttigi.
"Buǵan deiin sizden Kárim Másimovtiń qos azamattyǵy týraly suraǵan edik. Ol kezde ózińizde ondai aqparat joq ekenin aittyńyz. Bir apta ótti, Másimovtiń Vengriia azamattyǵy bar-joǵyn bildińiz be jáne bul qalai bolýy múmkin", - dep surady jýrnalist.
"Vengriia tarapynyń bizge bergen málimetinshe, Másimov myrzanyń mundai azamattyǵy bolmaǵan. Qosymsha aqparat túsken joq. Bizdiń elde qos azamattyqqa tyiym salynǵan jáne basqa eldiń azamattyǵyn alǵan adam avtomatty túrde bizdiń azamattyqtan aiyrylady", - dep jaýap berdi Syrtqy ister ministriniń orynbasary Roman Vasilenko Májilis kýlýarynda.
Eske salaiyq, 18 qarashada Astanada Kárim Másimovke qatysty sot otyrysy bastaldy. Bul protsess Astana qalasynyń qylmystyq ister jónindegi mamandandyrylǵan aýdanaralyq sotynda ótip jatyr. Is boiynsha málimetter jariialanbaidy, sot tergeýi, sondai-aq tergeý "qupiia" sanatyna jatady.
