Niderlandynyń Qazaqstandaǵy Elshiliginen túsken aqparatqa sáikes, koronavirýs pandemiiasyna bailanysty 2021 jylǵy 23 qańtardan bastap atalmysh elge kirýdiń baqylaý sharalary kúsheitildi. Bul týraly QR Syrtqy ister ministrliginen málim etti, dep habarlaidy "Ult aqparat".
«Atap aitqanda, sol elge kelgenderdiń barlyǵy Niderlandyǵa kirerden 72 saǵat buryn tapsyrylǵan COVID-19 PTR-testiniń teris nátijesi bar anyqtamany, sondai-aq COVID-19 ekspress-testiniń teris nátijesin («antigen ekspress-test» dep atalady) kórsetýi kerek. Bul talaptar tranzittik jolaýshylarǵa da qatysty.
COVID-19 ekspress testin Nur-Sultan jáne Almaty qalalaryndaǵy halyqaralyq áýejailarda ornalasqan zerthanalarda tapsyrýǵa bolady. Osy másele boiynsha aqparat alý úshin tiisti áýejaidyń aqparattyq qyzmetine habarlasý qajet», - dedi ministrlikten.
