QR Syrtqy ister ministrliginiń resmi ókili Aibek Smadiiarov QR Syrtqy ister ministri Muhtar Tileýberdiniń Resei men Ýkrainanyń Qazaqstanda kelissózder ótkizýi týraly sózderine qosymsha pikir bildirdi, dep habarlaidy QazAqparat.
«Bul suraqty ministrge Jenevada ótip jatqan BUU Adam quqyqtary jónindegi keńesiniń otyrysy sheńberinde sheteldik aqparat agenttiginiń tilshisi qoiǵan edi. Onyń tolyq dáieksózi kelesidei: «Árine, adam shyǵyny úlken alańdaýshylyq týdyryp otyr. Orystar da, ýkrainder de biz úshin baýyrlas halyqtar ekeni túsinikti, sondyqtan biz árine alańdaimyz. Óz tarapymyzdan araaǵaiyndyq qyzmetterdi paidalaný úshin jan-jaqty kómek kórsetýge daiynbyz. Muny eki tarap ta qajet dep tapsa, biz kelissózder alańyn usynýǵa ázirmiz».
Sonymen qatar, ministr bul másele boiynsha áli eshqandai kelisim joq ekenin aitty», - dedi Aibek Smadiiarov.
