QR Syrtqy ister ministrliginde iadrolyq qarýdan azat aimaqtar arasynda yntymaqtastyqty nyǵaitýǵa arnalǵan seminar ótti, dep habarlaidy "Ult aqparat" vedomstvoǵa silteme jasap.
BUU-nyń Qarýsyzdaný máseleleri jónindegi basqarmasymen (UNODA) birlesip uiymdastyrylǵan sharaǵa iadrolyq qarýdan azat barlyq aimaqtar (IaQAA), qyzyǵýshylyq tanytqan halyqaralyq jáne óńirlik uiymdar, baqylaýshy memleketter ókilderi qatysty.
QR Syrtqy ister ministriniń orynbasary Erjan Ashyqbaev QR Tuńǵysh Prezidenti – Elbasy Nursultan Nazarbaevtyń iadrolyq qarýdan azat aimaqtar arasynda dialog qalyptastyrý bastamasyn ilgeriletýdegi rólin jáne Qazaqstannyń BUU Bas hatshysy Antoniý Gýterrishtiń Qarýsyzdaný jónindegi kún tártibin iske asyrýǵa qosqan úlesin atap ótti. Sondai-aq, halyqaralyq qaýipsizdik úshin jahandyq qaýip-qaterlerdiń kóbeiýi jaǵdaiynda IaQAA qatysýshy-memleketter arasyndaǵy yntymaqtastyqtyń mańyzdylyǵyna nazar aýdardy.
Osy rette ol Qazaqstan jahandyq antiiadrolyq qozǵalys kóshbasshylarynyń biri retinde iadrolyq qarýdan azat álem qurý maqsatynda odan ada aimaqtardy nyǵaitýdy jáne olardyń geografiiasyn keńeitýdi qoldap kelgendigin atap ótti.
Seminar jumysyna iadrolyq qarýdan azat aimaqtar, olardyń arasynda Afrikaq (Pelindaba kelisimi), Latyn Amerika (Tlatelolko kelisimi), Ońtústik-Tynyq muhit (Rarotonga kelisimi), Ortalyq Aziia (Semei kelisimi) jáne Ońtústik-Shyǵys Aziia (Bangkok kelisimi) óńirleriniń ókilderi qatysty.
«Is-shara Semei iadrolyq synaq alańynyń jabylýynyń tarihi kúni bolyp tabylatyn 29 tamyzda, álemdik deńgeide atalyp ótetin Iadrolyq synaqtarǵa qarsy is-qimyldardyń halyqaralyq kúnine orailastyrylǵan. Qazaqstannyń óz aýmaǵynda osyndai is-sharany uiymdastyrý týraly sheshimi QR Tuńǵysh Prezidenti – Elbasy N.Nazarbaevtyń bastamasyna negizdeledi. Ol elimizdiń atalǵan is-sharany júzege asyrý nieti týraly 2017 jylǵy 29 tamyzda, AEHA Tómen baiytylǵan ýran banki ǵimaratynyń ashylý rásiminde jariialaǵan bolatyn.
Seminarǵa qatysýshylar, buǵan deiin qurylǵan jáne jańadan paida bolatyn zonalar arasyndaǵy uzaq merzimdi saiasi yntymaqtastyqtyń naqty mehanizmderin qalyptastyrý maqsatynda, iadrolyq qarýdan azat aimaqtardy institýtsionalizatsiialaýdyń birlesken josparlaryn talqylaýdy josparlap otyr», - delingen SIM aqparatynda.
