قر سىرتقى ٸستەر مينيسترلٸگٸندە يادرولىق قارۋدان ازات ايماقتار اراسىندا ىنتىماقتاستىقتى نىعايتۋعا ارنالعان سەمينار ٶتتٸ, دەپ حابارلايدى "ۇلت اقپارات" ۆەدومستۆوعا سٸلتەمە جاساپ.
بۇۇ-نىڭ قارۋسىزدانۋ مەسەلەلەرٸ جٶنٸندەگٸ باسقارماسىمەن (UNODA) بٸرلەسٸپ ۇيىمداستىرىلعان شاراعا يادرولىق قارۋدان ازات بارلىق ايماقتار (ياقاا), قىزىعۋشىلىق تانىتقان حالىقارالىق جەنە ٶڭٸرلٸك ۇيىمدار, باقىلاۋشى مەملەكەتتەر ٶكٸلدەرٸ قاتىستى.
قر سىرتقى ٸستەر مينيسترٸنٸڭ ورىنباسارى ەرجان اشىقباەۆ قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ يادرولىق قارۋدان ازات ايماقتار اراسىندا ديالوگ قالىپتاستىرۋ باستاماسىن ٸلگەرٸلەتۋدەگٸ رٶلٸن جەنە قازاقستاننىڭ بۇۇ باس حاتشىسى انتونيۋ گۋتەرريشتٸڭ قارۋسىزدانۋ جٶنٸندەگٸ كٷن تەرتٸبٸن ٸسكە اسىرۋعا قوسقان ٷلەسٸن اتاپ ٶتتٸ. سونداي-اق, حالىقارالىق قاۋٸپسٸزدٸك ٷشٸن جاھاندىق قاۋٸپ-قاتەرلەردٸڭ كٶبەيۋٸ جاعدايىندا ياقاا قاتىسۋشى-مەملەكەتتەر اراسىنداعى ىنتىماقتاستىقتىڭ ماڭىزدىلىعىنا نازار اۋداردى.
وسى رەتتە ول قازاقستان جاھاندىق انتييادرولىق قوزعالىس كٶشباسشىلارىنىڭ بٸرٸ رەتٸندە يادرولىق قارۋدان ازات ەلەم قۇرۋ ماقساتىندا ودان ادا ايماقتاردى نىعايتۋدى جەنە ولاردىڭ گەوگرافيياسىن كەڭەيتۋدٸ قولداپ كەلگەندٸگٸن اتاپ ٶتتٸ.
سەمينار جۇمىسىنا يادرولىق قارۋدان ازات ايماقتار, ولاردىڭ اراسىندا افريكاق (پەليندابا كەلٸسٸمٸ), لاتىن امەريكا (تلاتەلولكو كەلٸسٸمٸ), وڭتٷستٸك-تىنىق مۇحيت (راروتونگا كەلٸسٸمٸ), ورتالىق ازييا (سەمەي كەلٸسٸمٸ) جەنە وڭتٷستٸك-شىعىس ازييا (بانگكوك كەلٸسٸمٸ) ٶڭٸرلەرٸنٸڭ ٶكٸلدەرٸ قاتىستى.
«ٸس-شارا سەمەي يادرولىق سىناق الاڭىنىڭ جابىلۋىنىڭ تاريحي كٷنٸ بولىپ تابىلاتىن 29 تامىزدا, ەلەمدٸك دەڭگەيدە اتالىپ ٶتەتٸن يادرولىق سىناقتارعا قارسى ٸس-قيمىلداردىڭ حالىقارالىق كٷنٸنە ورايلاستىرىلعان. قازاقستاننىڭ ٶز اۋماعىندا وسىنداي ٸس-شارانى ۇيىمداستىرۋ تۋرالى شەشٸمٸ قر تۇڭعىش پرەزيدەنتٸ – ەلباسى ن.نازارباەۆتىڭ باستاماسىنا نەگٸزدەلەدٸ. ول ەلٸمٸزدٸڭ اتالعان ٸس-شارانى جٷزەگە اسىرۋ نيەتٸ تۋرالى 2017 جىلعى 29 تامىزدا, اەحا تٶمەن بايىتىلعان ۋران بانكٸ عيماراتىنىڭ اشىلۋ رەسٸمٸندە جارييالاعان بولاتىن.
سەمينارعا قاتىسۋشىلار, بۇعان دەيٸن قۇرىلعان جەنە جاڭادان پايدا بولاتىن زونالار اراسىنداعى ۇزاق مەرزٸمدٸ ساياسي ىنتىماقتاستىقتىڭ ناقتى مەحانيزمدەرٸن قالىپتاستىرۋ ماقساتىندا, يادرولىق قارۋدان ازات ايماقتاردى ينستيتۋتسيوناليزاتسييالاۋدىڭ بٸرلەسكەن جوسپارلارىن تالقىلاۋدى جوسپارلاپ وتىر», - دەلٸنگەن سٸم اقپاراتىندا.
