QR Syrtqy ister ministrliginiń baspasóz qyzmeti Germaniiada qylyshpen shabylyp óltirilgen 36 jastaǵy jigittiń ólimine qatysty aqparat taratty, dep habarlaidy QazAqparat tilshisi.
Birqatar sheteldik BAQ kózderinen habarlanyp otyrǵandai, Siriiadan kelgen migrant Shtýtgart qalasynyń shetinde 36 jastaǵy jigitti qylyshpen shaýyp óltirgen. Qaiǵyly jaǵdai sársenbi kúni saǵat 18.00 kezinde tirkelgen. BAQ kózderiniń habarlaýynsha, jol ústindegi urysta er adam óziniń tanysyna tap berip, qylyshpen keskilep, shaýyp tastaǵan. Qylmysker birden oqiǵa ornynan izin sýytypty. Alaida kúdikti – 28 jastaǵy siriialyq migrant kóp uzamai politsiianyń qolyna túsken.
Sonymen birge, birqatar BAQ-tarda kisi qolynan qaitys bolǵan jigittiń Qazaqstannan kelgeni, Germaniia azamaty bolǵany habarlanady.
«Nemis politsiiasynyń Maindaǵy Frankfýrt QR Bas konsýldyǵyna bergen aqparatyna sáikes, qaitys bolǵan azamattyń Qazaqstanǵa eshqandai qatysy joq», - dep habarlaidy QR SIM baspasóz qyzmetinen.
