قر سىرتقى ٸستەر مينيسترلٸگٸنٸڭ باسپاسٶز قىزمەتٸ گەرمانييادا قىلىشپەن شابىلىپ ٶلتٸرٸلگەن 36 جاستاعى جٸگٸتتٸڭ ٶلٸمٸنە قاتىستى اقپارات تاراتتى, دەپ حابارلايدى قازاقپارات تٸلشٸسٸ.
بٸرقاتار شەتەلدٸك باق كٶزدەرٸنەن حابارلانىپ وتىرعانداي, سيرييادان كەلگەن ميگرانت شتۋتگارت قالاسىنىڭ شەتٸندە 36 جاستاعى جٸگٸتتٸ قىلىشپەن شاۋىپ ٶلتٸرگەن. قايعىلى جاعداي سەرسەنبٸ كٷنٸ ساعات 18.00 كەزٸندە تٸركەلگەن. باق كٶزدەرٸنٸڭ حابارلاۋىنشا, جول ٷستٸندەگٸ ۇرىستا ەر ادام ٶزٸنٸڭ تانىسىنا تاپ بەرٸپ, قىلىشپەن كەسكٸلەپ, شاۋىپ تاستاعان. قىلمىسكەر بٸردەن وقيعا ورنىنان ٸزٸن سۋىتىپتى. الايدا كٷدٸكتٸ – 28 جاستاعى سيرييالىق ميگرانت كٶپ ۇزاماي پوليتسييانىڭ قولىنا تٷسكەن.
سونىمەن بٸرگە, بٸرقاتار باق-تاردا كٸسٸ قولىنان قايتىس بولعان جٸگٸتتٸڭ قازاقستاننان كەلگەنٸ, گەرمانييا ازاماتى بولعانى حابارلانادى.
«نەمٸس پوليتسيياسىنىڭ ماينداعى فرانكفۋرت قر باس كونسۋلدىعىنا بەرگەن اقپاراتىنا سەيكەس, قايتىس بولعان ازاماتتىڭ قازاقستانعا ەشقانداي قاتىسى جوق», - دەپ حابارلايدى قر سٸم باسپاسٶز قىزمەتٸنەن.
