Búginnen bastap Qazaqstan Respýblikasy Parlamenti Senatynyń jańa veb-saity iske qosyldy, dep habarlaidy "Ult aqparat" vedomstvonyń baspasóz qyzmetine silteme jasap.
Veb-saitqa http://senate.parlam.kz/ siltemesi arqyly kirýge bolady.
Jańartylǵan resmi sait arqyly senatorlarmen bailanys jasaý múmkindigi keńeidi. Senat depýtattarynyń jeke paraqshalarynda ótinish ne qyzyqtyratyn suraqtardy qaldyrýǵa bolady. Zań jobasyn usyný aidarynda kez kelgen azamat turaqty komitetterdiń qaraýyna zańdardy usyna alady. Sondai-aq, portalda mańyzdy qujattar, zań jobalary, stennogrammalar tolyǵymen jariialandy. Depýtattyq saýaldar men palatanyń usynystaryn bólek aidardan kórýge bolady.
Senattyń plenarlyq otyrystary, komitet jiyndary men basqa da is-sharalary tikelei efir arqyly kórsetiledi.
Sait arqyly Senattyń áleýmettik jelilerdegi resmi paraqshalaryna da ótýge bolady. Jańalyqtardy áleýmettik jeliler arqyly oqityndar úshin:
Instagram: https://www.instagram.com/senate_kz/
Facebook: https://www.facebook.com/senat.qazaqstan
Twitter: https://twitter.com/senate_kz
Youtube: https://www.youtube.com/channel/UCN7ci5peVk5J1KdWckbyKBA
Esterińizge sala keteiik, Senat tóraǵasy Dariǵa Nazarbaeva IV sessiia qorytyndysy boiynsha ótken Senat otyrysynda palata qyzmeti barynsha ashyq bolatynyn aitqan edi.
«Bul baǵytta birqatar jumystar qolǵa alyndy. Senattyń saity jańartylyp, Parlament joǵarǵy palatasynyń zańnamalyq jáne jumys materialdaryna kúzden bastap qol jetimdi bolady», - dedi D. Nazarbaeva.
