Senat Tóraǵasy, Álemdik jáne dástúrli dinder liderleri Sezi Hatshylyǵynyń basshysy Máýlen Áshimbaev Vatikannyń Qazaqstandaǵy Apostol nýntsii Frensis Assizi Chýllikatpen kezdesti, dep habarlaidy "Ult aqparat".
Senattyń baspasóz qyzmetinen málim etkendei, kezdesý barysynda elimizde dinaralyq dialogty damytý jáne qoǵamdyq kelisimdi nyǵaitý máseleleri talqylandy.
«Máýlen Áshimbaev biyl Qazaqstan men Vatikan arasyndaǵy diplomatiialyq qarym-qatynasqa 28 jyl tolǵanyn atap ótti. Sondai-aq, Senat Tóraǵasy osy ýaqyt aralyǵynda eki memleket túsinistik pen yntymaqtastyqqa negizdelgen syndarly ózara is-qimyl qalyptastyrǵanyna nazar aýdardy», - delingen aqparatta.
Sonymen qatar Álemdik jáne dástúrli dinder liderleri Sezi Hatshylyǵynyń basshysy bizdiń qoǵamda toleranttylyqty jáne túrli din men etnos ókilderine qurmetpen qaraýdy dáriptep júrgen Qazaqstandaǵy katolik shirkeýiniń jumysyna toqtaldy.
Odan bólek, Máýlen Áshimbaev pen Frensis Assizi Chýllikat Álemdik jáne dástúrli dinder liderleri Sezi Hatshylyǵynyń jumysy aiasynda syndarly ózara is-qimyldy ári qarai jalǵastyrýǵa nietti ekenderin jetkizdi.
