2021 jylǵa arnalǵan mindetter Memleket basshysy Qasym-Jomart Toqaevtyń tóraǵalyǵymen ótetin Úkimettiń keńeitilgen otyrysynda qaralady. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Ótken jyldyń áleýmettik-ekonomikalyq damý qorytyndylary jáne biylǵy jylǵa arnalǵan mindetter osy aidyń sońynda Memleket basshysy Qasym-Jomart Kemeluly Toqaevtyń tóraǵalyǵymen ótetin Úkimettiń keńeitilgen otyrysynda qaralatyn bolady. Jalpy, pandemiianyń eleýli áserine jáne jahandyq ekonomikalyq daǵdarysqa qaramastan, Qazaqstannyń ekonomikasy turaqty ekenin kórsetti», - dedi Asqar Mamin.
Onyń aitýynsha, naqty sektordaǵy negizgi salalar, sonyń ishinde óńdeý ónerkásibi, qurylys jáne aýyl sharýashylyǵy salalaryndaǵy ósim – ekonomikanyń turaqty bolýynyń basty faktorlaryna ainaldy.
«Atap aitqanda, óńdeý ónerkásibinde ósim 3,9 paiyzǵa, onyń ishinde metallýrgiia óndirisinde – 2,6, tamaq ónimderiniń óndirisinde – 4, farmatsevtikada – 47, daiyn metall buiymdarynyń óndirisinde – 19,7, mashina jasaýda – 16,3, onyń ishinde avtomobil jasaýda – 52,5, sondai-aq qaǵaz ónimderiniń óndirisinde – 16,4 jáne jeńil ónerkásipte 15 paiyzǵa ósim qamtamasyz etildi. Qurylys kólemi 11,2 paiyzǵa artty. 15,3 mln sharshy metr turǵyn úi paidalanýǵa berilip, bul kórsetkish 16,8 paiyzǵa artty. Osyndai joǵary kórsetkish buryn bolmaǵanyń atap ótý qajet. Aýyl sharýashylyǵynda turaqty ósý 5,6% paiyz deńgeiinde qamtamasyz etildi», - dedi ol.
Úkimet basshysy OPEK+ qol jetkizilgen kelisimderdi oryndaý qajet bolyp otyrǵan jaǵdailarda taý-ken óndirý salasyndaǵy ósimniń baiaýlaǵany baiqalatyndyǵyn aitty.
«Ekonomikanyń turaqtylyǵy jumyssyzdyq deńgeiin 5 paiyzǵa deiingi aralyqta ustap turýǵa múmkindik berdi, sonyń arqasynda halyqtyń naqty tabysy aitarlyqtai tómendegen joq. Qazirgi jaǵdaida ekonomikanyń turaqtylyǵyn qamtamasyz etý jóninde qabyldanǵan sharalardyń tiimdiligin aldyńǵy qatarly halyqaralyq qarjy institýttary, reitingtik agenttikter birneshe ret atap ótti», - dedi Asqar Mamin.
