QR Prezidenti Nursultan Nazarbaev Astana qalasyn damytý máseleleri jóninde keńes ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidentine buǵan deiingi berilgen tapsyrmalardyń oryndalý barysy jáne elorda qurylysynyń perspektivalyq jospary jóninde baiandaldy.
Keńeske Prezident Ákimshiliginiń Basshysy Á.Jaqsybekov, Astana qalasynyń ákimi Á.Isekeshev, Astana qalasy ákiminiń birinshi orynbasary S.Horoshýn jáne Astana qalasynyń sáýlet, qala qurylysy jáne jer qatynastary basqarmasynyń basshysy B.Taitaliev qatysty.
Elbasy qala qurylysyn júrgizý barysynda qazirgi infraqurylym men kommýnikatsiialardyń múmkindikterin eskerý mańyzdy ekenin aitty.
Áset Isekeshev Nursultan Nazarbaevqa elorda qurylysynyń besjyldyq jospary men jańa nysandar salý perspektivalary jóninde málimdedi.
«Jospar aiasynda 5 qurylys aimaǵy qarastyrylǵan. 2023 jylǵa deiin 9,5 million sharshy metr turǵyn úi salynyp, 500 myń adamǵa arnalǵan 156 myń páter beriledi. 2027 jylǵa deiin 800 myń adamǵa arnalǵan 16 million sharshy metr turǵyn úi salynady. Osylaisha, Sizdiń tapsyrmańyzǵa sáikes, qalamyzda 2 million adamnyń turýyna jaǵdai jasalatyn bolady», - dedi Astana qalasynyń ákimi.
Keńes qorytyndysy boiynsha Qazaqstan Prezidenti Astana qalasyn odan ári damytý jóninde birqatar naqty tapsyrma berdi.
.jpeg)