Memleket basshysy Nursultan Nazarbaev Aqtóbege keldi. Elbasy óńirdiń áleýmettik-ekonomikalyq damý kórsetkishimen tanysady, dep habarlaidy "Ult aqparat".
Memleket basshysy Nursultan Nazarbaev Aqtóbe oblysyna jumys sapary kezinde aldymen «Darý jaryǵy» oftolmologiialyq ortalyǵyna barady. Zamanaýi tehnologiiamen jabdyqtalǵan ortalyqta 6 ota jasaý zaly bar. Statsionar alpys kereýetke shaqtalǵan, emhana kúnine 500 adamdy qabyldai alady. Jergilikti dárigerlerden quralǵan mamandar sheteldiń úzdik emhanalarynan tájiribeden ótip kelgen. Júzege asyrylǵan jobanyń jalpy quny - 3,8 mlrd. teńge.
Sonymen qatar, balalardy ońaltýǵa arnalǵan «Aiala» ortalyǵy ashylady. Munda múmkindigi shekteýli balalarǵa arnalǵan saýyqtyrý sharasy júrgizilip, qaterli isikke shaldyqqan balalarǵa erekshe kútim jasalady. Ortalyqty «Rýsskaia mednaia kompaniia» JShS biznestiń áleýmettik jaýapkershiligi aiasynda salyp berdi. Joba quny - 500 million teńge.
