Jastar arasynda qumar oiyndarǵa táýeldilik beleń alýda. Bul týraly Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Óskeleń urpaqtyń densaýlyǵyna áleýmettik keselder zalalyn tigizedi. Shylym shegýge, ishimdikke jáne esirtkige táýeldi bolý keńinen taralǵan jaǵymsyz ádetter. Buǵan qosa, sońǵy kezde jastar arasynda lýdomaniia, iaǵni qumar oiyndarǵa táýeldilik beleń alýda. Bul keselden qumarpazdardyń ózderi ǵana emes, olardyń otbasy, týystary men jaqyndary zardap shegedi. Jasópirimderimiz zamanaýi tehnologiialardyń yqpalymen qumar oiyndaryna ońai shyrmalatyn boldy», - dedi Qazaqstan Prezidenti.
Memleket basshysy býkmekerler men kazinolar internette tolassyz jarnama jasap, jurtty eriksiz elitip otyrǵandyǵyn basa aitty.
«Memleket buǵan shekteý qoiý úshin birqatar mańyzdy shara qabyldady. Biraq, bul sharalar árine, jetkiliksiz. Jas urpaqty qumar oiynnyń ziiandy yqpalynan jan-jaqty qorǵaýymyz kerek. Máseleni sheshý úshin jańa tásilderdi qoldaný qajet», - dedi Qasym-Jomart Toqaev.
