QR Prezidenti janyndaǵy Jastar kadr rezervi jónindegi ulttyq komissiia quryldy

QAÝLY ETEMIN:

1. Qazaqstan Respýblikasy Prezidentiniń janyndaǵy Jastar kadr rezervi jónindegi ulttyq komissiia (budan ári – Ulttyq komissiia) qurylsyn.

2. Qosa berilip otyrǵan:

1) Ulttyq komissiia týraly ereje;

2) Ulttyq komissiianyń quramy;

3) Prezidenttik jastar kadr rezervin qalyptastyrý qaǵidalary bekitilsin.

3. Osy Jarlyq alǵashqy resmi jariialanǵan kúninen bastap qoldanysqa engiziledi.

Qazaqstan Respýblikasynyń

  Prezidenti                                                                                       Q.Toqaev

Nur-Sultan, Aqorda, 2019 jylǵy  27 tamyz

 №141

Qazaqstan Respýblikasy
Prezidentiniń

2019 jylǵy  27 tamyzdaǵy

№  141  Jarlyǵymen
BEKITILGEN

Qazaqstan Respýblikasy Prezidentiniń janyndaǵy

Jastar kadr rezervi jónindegi ulttyq komissiia týraly

EREJE

1. Jalpy erejeler

1. Qazaqstan Respýblikasy Prezidentiniń janyndaǵy Jastar kadr rezervi jónindegi ulttyq komissiia (budan ári – Ulttyq komissiia) Prezidenttik jastar kadr rezervin (budan ári – Rezerv) qalyptastyrý maqsatynda qurylady.

2. Ulttyq komissiia óz qyzmetinde Qazaqstan Respýblikasynyń Konstitýtsiiasyn, Qazaqstan Respýblikasynyń zańnamalyq aktilerin, Qazaqstan Respýblikasy Prezidentiniń aktilerin jáne osy erejeni basshylyqqa alady.

2. Ulttyq komissiianyń mindetteri

3. Ulttyq komissiianyń mindetteri:

1. Rezervti qalyptastyrý boiynsha jumysty jalpy úilestirý;
2. Rezervke alý týraly máselelerdi sheshý;
3. Rezervti qalyptastyrý máseleleri boiynsha Qazaqstan Respýblikasy Prezidentiniń tapsyrmalaryn oryndaýdy qamtamasyz etý bolyp tabylady.

3. Ulttyq komissiianyń fýnktsiialary

4. Ulttyq komissiiaǵa mindetterine sáikes mynadai fýnktsiialar júkteledi:

1. Rezervke alýǵa usynylǵan kandidattardy qaraý;
2. Ulttyq komissiianyń quzyretine kiretin máseleler boiynsha memlekettik organdardan jáne ózge de uiymdardan aqparat suratý jáne alý;
3. Ulttyq komissiianyń quzyretine kiretin máseleler boiynsha sheshimder qabyldaý.

4. Ulttyq komissiianyń quqyqtary

5. Ulttyq komissiia óz mindetterine sáikes mynadai quqyqtarǵa ie:

1) Ulttyq komissiianyń quzyretine kiretin máselelerdi qaraýǵa memlekettik organdardyń, uiymdardyń laýazymdy adamdary men mamandaryn tartý;

2) Ulttyq komissiianyń otyrysyna Ulttyq komissiianyń músheleri bolyp tabylmaityn laýazymdy jáne ózge de adamdardy, sondai-aq buqaralyq aqparat quraldarynyń ókilderin shaqyrý.

5. Ulttyq komissiianyń quramy jáne qyzmetin uiymdastyrý

6. Ulttyq komissiia tóraǵadan, onyń orynbasarynan jáne komissiia múshelerinen turady.

7. Ulttyq komissiianyń tóraǵasy:

1) Ulttyq komissiianyń qyzmetine jalpy basshylyqty júzege asyrady;

2) Ulttyq komissiianyń otyrystaryn ótkizý orny men ýaqytyn aiqyndaidy;

3) Ulttyq komissiianyń otyrystarynda tóraǵalyq etedi;

4) Ulttyq komissiianyń múshelerine oryndaýǵa mindetti nusqaýlar beredi.

8. Ulttyq komissiianyń tóraǵasy bolmaǵan ýaqytta, sondai-aq onyń tapsyrmasy boiynsha onyń fýnktsiialaryn komissiia tóraǵasynyń orynbasary oryndai alady.

9. Ulttyq komissiianyń otyrystary qajettigine qarai ótkiziledi.

10. Ulttyq komissiia tóraǵasynyń tapsyrmasy boiynsha Ulttyq komissiia músheleriniń syrttai daýys berýi ótkizilýi múmkin.

Ulttyq komissiia músheleriniń syrttai daýys berý merzimi Ulttyq komissiia múshelerine materialdar jiberilgen kúnnen bastap úsh jumys kúninen aspaýy tiis.

Syrttai daýys berý merzimi aiaqtalǵanǵa deiin Ulttyq komissiia músheleri óz pikirlerin Ulttyq komissiianyń jumys organyna jazbasha túrde joldaidy.

Kórsetilgen merzimde jaýap usynylmaǵan jaǵdaida Ulttyq komissiia múshesi sheshim jobasyn qabyldaýǵa daýys berdi dep sanalady.

11. Ulttyq komissiianyń otyrysy nemese syrttai daýys berý onyń quramynyń jalpy sanynyń keminde úshten ekisi otyrysqa qatysqan nemese syrttai daýys berýge qatysqan jaǵdaida zańdy bolyp tabylady. Ulttyq komissiianyń músheleri otyrystarǵa jáne syrttai daýys berýge aýysý quqyǵynsyz qatysady.

12. Ulttyq komissiianyń sheshimderi Ulttyq komissiia otyrysyna qatysýshy nemese syrttai daýys berýge qatysýshy músheleriniń jalpy sanynyń qarapaiym kópshilik daýysymen ashyq daýys berý nemese syrttai daýys berý arqyly qabyldanady. Daýystar teń bolǵan jaǵdaida tóraǵanyń daýysy sheshýshi bolyp tabylady.

13. Ulttyq komissiianyń sheshimderi, oǵan Ulttyq komissiianyń tóraǵasy jáne hatshysy qol qoiatyn hattamamen resimdeledi.

Ulttyq komissiianyń sheshimderi tiisti memlekettik organdarǵa, uiymdarǵa jiberiledi jáne Ulttyq komissiia belgilegen merzimde mindetti túrde qaralýǵa tiis.

14. Ulttyq komissiianyń hatshysy Qazaqstan Respýblikasy Prezidenti Ákimshiliginiń Memlekettik qyzmet jáne kadr saiasaty bóliminiń meńgerýshisi bolyp tabylady.

15. Ulttyq komissiianyń jumys organy Qazaqstan Respýblikasy Prezidenti Ákimshiliginiń Memlekettik qyzmet jáne kadr saiasaty bólimi bolyp tabylady.

Ulttyq komissiianyń qyzmetin uiymdyq qamtamasyz etýdi memlekettik qyzmet isteri jónindegi ýákiletti organ júzege asyrady.

Qazaqstan Respýblikasy
Prezidentiniń

           2019 jylǵy 27 tamyzdaǵy

№  141  Jarlyǵymen
BEKITILGEN

Qazaqstan Respýblikasy Prezidentiniń janyndaǵy

Jastar kadr rezervi jónindegi ulttyq komissiianyń

QURAMY

Qazaqstan Respýblikasynyń Prezidenti Ákimshiliginiń Basshysy, komissiia tóraǵasy

Qazaqstan Respýblikasy Prezidenti Keńsesiniń bastyǵy, komissiia tóraǵasynyń orynbasary

Qazaqstan Respýblikasynyń Memlekettik qyzmet isteri agenttiginiń tóraǵasy, komissiia tóraǵasynyń orynbasary

Qazaqstan Respýblikasy Prezidenti Ákimshiligi Basshysynyń óńirlik saiasat máselelerine jetekshilik etýshi orynbasary, komissiia múshesi

Qazaqstan Respýblikasy Prezidenti Ákimshiliginiń Memlekettik qyzmet jáne kadr saiasaty bóliminiń meńgerýshisi, komissiianyń hatshysy

___________________

Qazaqstan Respýblikasy
Prezidentiniń

          2019 jylǵy 27 tamyzdaǵy

№  141     Jarlyǵymen
BEKITILGEN 

Prezidenttik jastar kadr rezervin qalyptastyrý

QAǴIDALARY

1-taraý. Jalpy erejeler

1. Osy Prezidenttik jastar kadr rezervin qalyptastyrý qaǵidalary (budan ári – Qaǵidalar) Prezidenttik jastar kadr rezervin (budan ári – Rezerv) qalyptastyrý tártibin aiqyndaidy.

2. Rezervke irikteýdi Qazaqstan Respýblikasy Prezidentiniń janyndaǵy Jastar kadr rezervi jónindegi ulttyq komissiia (budan ári – Ulttyq komissiia) júzege asyrady.

3. Rezervke otyz bes jastan aspaǵan, joǵarǵy bilimi jáne bes jyldan kem emes eńbek ótili bar Qazaqstan Respýblikasynyń azamaty alynýy múmkin.

Qazaqstan Respýblikasynyń Prezidenti taǵaiyndaǵan memlekettik qyzmetshiler rezervke irikteýge qatysýǵa jiberilmeidi.

4. Rezervke alynǵan adamdar mynadai laýazymdar toptaryna ornalasa alady:

salalyq laýazymdardyń toby:

Qazaqstan Respýblikasynyń ministrleri, olardyń birinshi orynbasarlary men orynbasarlary;

oblystardyń, respýblikalyq mańyzy bar qalalardyń, astananyń ákimderiniń birinshi orynbasarlary men orynbasarlary;

ortalyq atqarýshy organdar komitetteriniń tóraǵalary;

ulttyq basqarýshy holdingter, ulttyq holdingter, ulttyq kompaniialar basqarmalarynyń tóraǵalary jáne músheleri.

Salalyq laýazymdardyń toby qyzmettiń mynadai baǵyttaryn qamtidy:

ekonomikalyq jáne qarjylyq saiasat;

áleýmettik saiasat;

infraqurylymdy jáne servistik salalardy, ónerkásipti, aýyl sharýashylyǵy men qorshaǵan ortany qorǵaýdy damytý;

syrtqy jáne ishki saiasat;

quqyqtyq saiasat;

óńirlik laýazymdardyń toby:

oblystardyń, respýblikalyq mańyzy bar qalalardyń, astananyń ákimderi;

oblystyq mańyzy bar qalalardyń, oblystar aýdandarynyń jáne qalalardaǵy aýdandardyń ákimderi;

basqarýshylyq laýazymdardyń toby:

ortalyq atqarýshy organdardyń jaýapty hatshylary;

Qazaqstan Respýblikasy Konstitýtsiialyq Keńesi, Prezidentiniń Is basqarmasy, Qazaqstan Respýblikasy Ortalyq sailaý komissiiasy, Respýblikalyq biýdjettiń atqarylýyn baqylaý jónindegi esep komiteti, Qazaqstan Respýblikasynyń Memlekettik qyzmet isteri agenttigi apparattarynyń basshylary, Qazaqstan Respýblikasynyń Joǵarǵy Soty janyndaǵy Sottardyń qyzmetin qamtamasyz etý departamentiniń (Qazaqstan Respýblikasy Joǵarǵy Soty apparatynyń) basshysy;

Qazaqstan Respýblikasy Joǵary Sot Keńesiniń hatshysy – Apparat basshysy;

jaýapty hatshy laýazymy engizilmegen ortalyq atqarýshy organdar apparattarynyń basshylary, Adam quqyqtary jónindegi ulttyq ortalyqtyń basshysy;

oblystardyń, respýblikalyq mańyzy bar qalalardyń, astananyń ákimderi apparattarynyń basshylary.

Osy tarmaqta atalǵan laýazymdarǵa taǵaiyndaýlar Rezervke alynǵan adamdardyń qatarynan, sondai-aq Qazaqstan Respýblikasynyń zańnamasynda belgilengen tártippen ózge de adamdardyń qatarynan júzege asyryla alady.

5. Osy Qaǵidalar Qazaqstan Respýblikasynyń Qarýly Kúshterindegi, basqa da áskerleri men áskeri quralymdaryndaǵy, sondai-aq «Qazaqstan Respýblikasy quqyq qorǵaý jáne arnaýly memlekettik organdary basshylyǵynyń prezidenttik rezervin qalyptastyrý týraly» Qazaqstan Respýblikasy Prezidentiniń 2013 jylǵy 28 tamyzdaǵy № 624 Jarlyǵyna sáikes júzege asyrylatyn quqyq qorǵaý jáne arnaýly memlekettik organdarda basshy laýazymdarǵa ornalasý máselelerin rettemeidi.

2-taraý. Rezervke irikteý

6. Rezervke irikteý birqatar dáiekti kezeńderdi qamtidy:

1. Rezervke irikteýdi ótkizý týraly habarlandyrýdy jariialaý;
2. kandidattardyń qujattaryn qabyldaý;
3. kandidattardyń teoriialyq bilimin testileý (budan ári – testileý);
4. kandidattardyń kóshbasshylyq qasietterin, syni oilaýyn, strategiialyq kózqarasyn, motivatsiiasy men qundylyqtaryn baǵalaý (esse jazý, jobalardy tanystyrý, interviýden ótý jáne memlekettik qyzmet isteri jónindegi ýákiletti organ aiqyndaityn baǵalaýdyń basqa quraldary) (budan ári – baǵalaý kezeńi);
5. Rezervke irikteý jónindegi sarapshylyq komissiiada (budan ári – Sarapshylyq komissiia) kandidattarmen áńgimelesý;
6. Sarapshylyq komissiia Rezervke alýǵa usynǵan kandidattardy Ulttyq komissiianyń otyrysynda qaraý.

Rezervke irikteýdiń kezeńderi aqparattyq júieler qoldaný arqyly júrgizilýi múmkin.

Rezervke irikteý kezeńderin ótkizý merzimderin Ulttyq komissiia aiqyndaidy.

7. Irikteýdi júrgizý týraly habarlandyrý memlekettik qyzmet isteri jónindegi ýákiletti organnyń (budan ári – ýákiletti organ) internet-resýrsynda, sondai-aq respýblikalyq buqaralyq aqparat quraldarynda jáne basqa resýrstarda jariialanady.

Habarlandyrý osy Qaǵidalarda aiqyndalǵan Rezervke irikteýdiń tártibi týraly aqparatty, qujattardy tapsyrý merzimin qamtidy.

8. Irikteýge qatysý úshin mynadai qujattar usynylady:

1. jeke basty kýálandyratyn qujattyń kóshirmesi;
2. bilim týraly qujattyń kóshirmesi;
3. eńbek qyzmetin rastaityn qujattyń kóshirmesi.

Kandidat qujattardy tapsyrý kezinde onyń derbes derekteri, bilimi men jumys tájiribesi týraly málimetter, Rezervke alynǵan jaǵdaida kandidat úmittenetin laýazymdar toby, osy Qaǵidalardyń 4-tarmaǵyna sáikes salalyq baǵyt kórsetiledi.

Qujattarǵa myna adamdardyń bireýinen usynymhat qosa beriledi:

kandidat jumys isteitin nemese jumys istegen uiymnyń basshysynan;

ulttyq kompaniianyń, ulttyq holdingtiń, ulttyq damý institýtynyń basqarma tóraǵasynan nemese onyń orynbasarynan;

memlekettik saiasi qyzmetshiden;

ortalyq atqarýshy organnyń jaýapty hatshysynan, ortalyq nemese jergilikti memlekettik organnyń apparat basshysynan usynylady.

Qazaqstan Respýblikasy Senatynyń, Májilisiniń depýtatynan, oblystyń, respýblikalyq mańyzy bar qalanyń, astananyń máslihat hatshysynan usynylady.

Usynymhat uiymnyń nemese laýazymdy adamnyń resmi blankisinde:

qol qoiylǵan kúni, kandidattyń tegi, aty jáne jóni;

onyń kásibi jáne jeke qasietteri aiqyndalǵan minezdemeler;

kandidatpen yntymaqtastyqtyń uzaqtyǵy men jaǵdailary kórsetile otyryp resimdeledi.

Qujattardy tapsyrǵan kezde kandidat Rezervke irikteýden ótýdiń tártibimen tanysady, sondai-aq irikteýdiń sharttaryn qatań saqtaý jáne ózi kórsetken málimetterdiń shynaiylyǵyn qamtamasyz etý boiynsha ózine mindetteme alady.

9. Testileýge osy Qaǵidalardyń 3-tarmaǵynda kózdelgen talaptarǵa sai keletin kandidattar jiberiledi.

Testileýdiń qorytyndysy boiynsha eń joǵary nátijelerdi jinaǵan kandidattar Rezervke irikteýdiń kelesi kezeńine jiberiledi.

Rezervke irikteýdiń kelesi kezeńine jiberiletin, eń joǵarǵy nátijeleri bar kandidattardyń shekti sanyn Ulttyq komissiia aiqyndaidy.

Birneshe kandidatta testileý nátijeleri birdei bolǵan kezde irikteýdiń kelesi kezeńine osy tarmaqtyń úshinshi bóligine sáikes anyqtalǵan sanynan asatyn kandidattardyń sanynyń ótýine jol beriledi.

Rezervke irikteýge qatysý úshin kandidat ótinim bergen kezde usynǵan málimetter men qujattarǵa baǵalaý kezeńiniń aldynda tekserý júrgiziledi.

10. Baǵalaý kezeńinde kandidattardy baǵalaý úshin ýákiletti organ salalyq  toptardy qurady.

Sheshimderdi qabyldaýdyń aiqyndyǵyn qamtamasyz etý úshin barlyq kandidattardy baǵalaý kezeńinde qoǵamdastyqtyń ókilderi tartylýy múmkin.

Baǵalaý kezeńiniń qorytyndysy boiynsha eń joǵarǵy nátijeler alǵan kandidattar Sarapshylyq komissiiada áńgimelesýge  jiberiledi.

Sarapshylyq keńeste áńgimelesýge ótkiziletin, eń joǵarǵy nátijeleri bar kandidattardyń shekti sanyn Ulttyq komissiia aiqyndaidy.

Birneshe kandidatta baǵalaý kezeńiniń qorytyndysy boiynsha birdei nátijeler bolǵan jaǵdaida irikteýdiń kelesi kezeńine osy tarmaqtyń tórtinshi bóligine sáikes anyqtalǵan sanynan asatyn kandidattardyń sany ótýi múmkin.

11. Sarapshylyq komissiianyń quramyn Qazaqstan Respýblikasynyń Prezidenti Ákimshiligi aiqyndaidy.

Sarapshylyq komissiianyń otyrysyna daiyndalý barysynda kandidattar týraly málimetterdi, onyń ishinde tiisti memlekettik organdardan suratylatyn málimetterdi, sondai-aq kandidattardyń «Qazaqstan Respýblikasynyń memlekettik qyzmeti týraly» Qazaqstan Respýblikasy Zańynyń 16-baby 3-tarmaǵynyń talaptaryna sáikestigin Ulttyq komissiianyń jumys organy nemese ýákiletti organ qaraidy.

Áńgimelesýdiń qorytyndysy boiynsha irikteýdiń aldyńǵy kezeńderiniń nátijelerin eskerýmen Sarapshylyq komissiia ashyq daýys berý arqyly Rezervke alýǵa usynylatyn kandidattardyń tizimin jasaidy jáne Ulttyq komissiianyń qaraýyna joldaidy.

12. Irikteýge qatysýǵa bas tartýdyń negizi mynalar bolyp tabylady:

1. kandidattyń kórineý jalǵan málimetti jáne qujattardy berýi;
2. kandidattardyń «Qazaqstan Respýblikasynyń memlekettik qyzmeti týraly» Qazaqstan Respýblikasy Zańynyń 16-baby 3-tarmaǵynyń talaptaryna sáikes emestigi.

13. Ulttyq komissiia Qazaqstan Respýblikasy Prezidentiniń sheshimimen jasaqtalady.

Ulttyq komissiia kandidattardy bes jyl merzimge Rezervke alý týraly sheshim shyǵarady.

14. Ulttyq komissiianyń sheshimine sáikes Rezervke alynǵan adamdar bólingen qarajat sheginde Qazaqstan Respýblikasy Prezidentiniń janyndaǵy bilim berý uiymynyń bilim berý baǵdarlamalary boiynsha qysqa merzimdi oqytý kýrstarynan óte alady.