قر پرەزيدەنتٸ جانىنداعى جاستار كادر رەزەرۆٸ جٶنٸندەگٸ ۇلتتىق كوميسسييا قۇرىلدى

قاۋلى ەتەمٸن:

1. قازاقستان رەسپۋبليكاسى پرەزيدەنتٸنٸڭ جانىنداعى جاستار كادر رەزەرۆٸ جٶنٸندەگٸ ۇلتتىق كوميسسييا (بۇدان ەرٸ – ۇلتتىق كوميسسييا) قۇرىلسىن.

2. قوسا بەرٸلٸپ وتىرعان:

1) ۇلتتىق كوميسسييا تۋرالى ەرەجە;

2) ۇلتتىق كوميسسييانىڭ قۇرامى;

3) پرەزيدەنتتٸك جاستار كادر رەزەرۆٸن قالىپتاستىرۋ قاعيدالارى بەكٸتٸلسٸن.

3. وسى جارلىق العاشقى رەسمي جارييالانعان كٷنٸنەن باستاپ قولدانىسقا ەنگٸزٸلەدٸ.

قازاقستان رەسپۋبليكاسىنىڭ

  پرەزيدەنتٸ                                                                                       ق.توقاەۆ

نۇر-سۇلتان, اقوردا, 2019 جىلعى  27 تامىز

 №141

قازاقستان رەسپۋبليكاسى
پرەزيدەنتٸنٸڭ

2019 جىلعى  27 تامىزداعى

№  141  جارلىعىمەن
بەكٸتٸلگەن

قازاقستان رەسپۋبليكاسى پرەزيدەنتٸنٸڭ جانىنداعى

جاستار كادر رەزەرۆٸ جٶنٸندەگٸ ۇلتتىق كوميسسييا تۋرالى

ەرەجە

1. جالپى ەرەجەلەر

1. قازاقستان رەسپۋبليكاسى پرەزيدەنتٸنٸڭ جانىنداعى جاستار كادر رەزەرۆٸ جٶنٸندەگٸ ۇلتتىق كوميسسييا (بۇدان ەرٸ – ۇلتتىق كوميسسييا) پرەزيدەنتتٸك جاستار كادر رەزەرۆٸن (بۇدان ەرٸ – رەزەرۆ) قالىپتاستىرۋ ماقساتىندا قۇرىلادى.

2. ۇلتتىق كوميسسييا ٶز قىزمەتٸندە قازاقستان رەسپۋبليكاسىنىڭ كونستيتۋتسيياسىن, قازاقستان رەسپۋبليكاسىنىڭ زاڭنامالىق اكتٸلەرٸن, قازاقستان رەسپۋبليكاسى پرەزيدەنتٸنٸڭ اكتٸلەرٸن جەنە وسى ەرەجەنٸ باسشىلىققا الادى.

2. ۇلتتىق كوميسسييانىڭ مٸندەتتەرٸ

3. ۇلتتىق كوميسسييانىڭ مٸندەتتەرٸ:

1. رەزەرۆتٸ قالىپتاستىرۋ بويىنشا جۇمىستى جالپى ٷيلەستٸرۋ;
2. رەزەرۆكە الۋ تۋرالى مەسەلەلەردٸ شەشۋ;
3. رەزەرۆتٸ قالىپتاستىرۋ مەسەلەلەرٸ بويىنشا قازاقستان رەسپۋبليكاسى پرەزيدەنتٸنٸڭ تاپسىرمالارىن ورىنداۋدى قامتاماسىز ەتۋ بولىپ تابىلادى.

3. ۇلتتىق كوميسسييانىڭ فۋنكتسييالارى

4. ۇلتتىق كوميسسيياعا مٸندەتتەرٸنە سەيكەس مىناداي فۋنكتسييالار جٷكتەلەدٸ:

1. رەزەرۆكە الۋعا ۇسىنىلعان كانديداتتاردى قاراۋ;
2. ۇلتتىق كوميسسييانىڭ قۇزىرەتٸنە كٸرەتٸن مەسەلەلەر بويىنشا مەملەكەتتٸك ورگانداردان جەنە ٶزگە دە ۇيىمداردان اقپارات سۇراتۋ جەنە الۋ;
3. ۇلتتىق كوميسسييانىڭ قۇزىرەتٸنە كٸرەتٸن مەسەلەلەر بويىنشا شەشٸمدەر قابىلداۋ.

4. ۇلتتىق كوميسسييانىڭ قۇقىقتارى

5. ۇلتتىق كوميسسييا ٶز مٸندەتتەرٸنە سەيكەس مىناداي قۇقىقتارعا يە:

1) ۇلتتىق كوميسسييانىڭ قۇزىرەتٸنە كٸرەتٸن مەسەلەلەردٸ قاراۋعا مەملەكەتتٸك ورگانداردىڭ, ۇيىمداردىڭ لاۋازىمدى ادامدارى مەن ماماندارىن تارتۋ;

2) ۇلتتىق كوميسسييانىڭ وتىرىسىنا ۇلتتىق كوميسسييانىڭ مٷشەلەرٸ بولىپ تابىلمايتىن لاۋازىمدى جەنە ٶزگە دە ادامداردى, سونداي-اق بۇقارالىق اقپارات قۇرالدارىنىڭ ٶكٸلدەرٸن شاقىرۋ.

5. ۇلتتىق كوميسسييانىڭ قۇرامى جەنە قىزمەتٸن ۇيىمداستىرۋ

6. ۇلتتىق كوميسسييا تٶراعادان, ونىڭ ورىنباسارىنان جەنە كوميسسييا مٷشەلەرٸنەن تۇرادى.

7. ۇلتتىق كوميسسييانىڭ تٶراعاسى:

1) ۇلتتىق كوميسسييانىڭ قىزمەتٸنە جالپى باسشىلىقتى جٷزەگە اسىرادى;

2) ۇلتتىق كوميسسييانىڭ وتىرىستارىن ٶتكٸزۋ ورنى مەن ۋاقىتىن ايقىندايدى;

3) ۇلتتىق كوميسسييانىڭ وتىرىستارىندا تٶراعالىق ەتەدٸ;

4) ۇلتتىق كوميسسييانىڭ مٷشەلەرٸنە ورىنداۋعا مٸندەتتٸ نۇسقاۋلار بەرەدٸ.

8. ۇلتتىق كوميسسييانىڭ تٶراعاسى بولماعان ۋاقىتتا, سونداي-اق ونىڭ تاپسىرماسى بويىنشا ونىڭ فۋنكتسييالارىن كوميسسييا تٶراعاسىنىڭ ورىنباسارى ورىنداي الادى.

9. ۇلتتىق كوميسسييانىڭ وتىرىستارى قاجەتتٸگٸنە قاراي ٶتكٸزٸلەدٸ.

10. ۇلتتىق كوميسسييا تٶراعاسىنىڭ تاپسىرماسى بويىنشا ۇلتتىق كوميسسييا مٷشەلەرٸنٸڭ سىرتتاي داۋىس بەرۋٸ ٶتكٸزٸلۋٸ مٷمكٸن.

ۇلتتىق كوميسسييا مٷشەلەرٸنٸڭ سىرتتاي داۋىس بەرۋ مەرزٸمٸ ۇلتتىق كوميسسييا مٷشەلەرٸنە ماتەريالدار جٸبەرٸلگەن كٷننەن باستاپ ٷش جۇمىس كٷنٸنەن اسپاۋى تيٸس.

سىرتتاي داۋىس بەرۋ مەرزٸمٸ اياقتالعانعا دەيٸن ۇلتتىق كوميسسييا مٷشەلەرٸ ٶز پٸكٸرلەرٸن ۇلتتىق كوميسسييانىڭ جۇمىس ورگانىنا جازباشا تٷردە جولدايدى.

كٶرسەتٸلگەن مەرزٸمدە جاۋاپ ۇسىنىلماعان جاعدايدا ۇلتتىق كوميسسييا مٷشەسٸ شەشٸم جوباسىن قابىلداۋعا داۋىس بەردٸ دەپ سانالادى.

11. ۇلتتىق كوميسسييانىڭ وتىرىسى نەمەسە سىرتتاي داۋىس بەرۋ ونىڭ قۇرامىنىڭ جالپى سانىنىڭ كەمٸندە ٷشتەن ەكٸسٸ وتىرىسقا قاتىسقان نەمەسە سىرتتاي داۋىس بەرۋگە قاتىسقان جاعدايدا زاڭدى بولىپ تابىلادى. ۇلتتىق كوميسسييانىڭ مٷشەلەرٸ وتىرىستارعا جەنە سىرتتاي داۋىس بەرۋگە اۋىسۋ قۇقىعىنسىز قاتىسادى.

12. ۇلتتىق كوميسسييانىڭ شەشٸمدەرٸ ۇلتتىق كوميسسييا وتىرىسىنا قاتىسۋشى نەمەسە سىرتتاي داۋىس بەرۋگە قاتىسۋشى مٷشەلەرٸنٸڭ جالپى سانىنىڭ قاراپايىم كٶپشٸلٸك داۋىسىمەن اشىق داۋىس بەرۋ نەمەسە سىرتتاي داۋىس بەرۋ ارقىلى قابىلدانادى. داۋىستار تەڭ بولعان جاعدايدا تٶراعانىڭ داۋىسى شەشۋشٸ بولىپ تابىلادى.

13. ۇلتتىق كوميسسييانىڭ شەشٸمدەرٸ, وعان ۇلتتىق كوميسسييانىڭ تٶراعاسى جەنە حاتشىسى قول قوياتىن حاتتامامەن رەسٸمدەلەدٸ.

ۇلتتىق كوميسسييانىڭ شەشٸمدەرٸ تيٸستٸ مەملەكەتتٸك ورگاندارعا, ۇيىمدارعا جٸبەرٸلەدٸ جەنە ۇلتتىق كوميسسييا بەلگٸلەگەن مەرزٸمدە مٸندەتتٸ تٷردە قارالۋعا تيٸس.

14. ۇلتتىق كوميسسييانىڭ حاتشىسى قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ مەملەكەتتٸك قىزمەت جەنە كادر ساياساتى بٶلٸمٸنٸڭ مەڭگەرۋشٸسٸ بولىپ تابىلادى.

15. ۇلتتىق كوميسسييانىڭ جۇمىس ورگانى قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ مەملەكەتتٸك قىزمەت جەنە كادر ساياساتى بٶلٸمٸ بولىپ تابىلادى.

ۇلتتىق كوميسسييانىڭ قىزمەتٸن ۇيىمدىق قامتاماسىز ەتۋدٸ مەملەكەتتٸك قىزمەت ٸستەرٸ جٶنٸندەگٸ ۋەكٸلەتتٸ ورگان جٷزەگە اسىرادى.

قازاقستان رەسپۋبليكاسى
پرەزيدەنتٸنٸڭ

           2019 جىلعى 27 تامىزداعى

№  141  جارلىعىمەن
بەكٸتٸلگەن

قازاقستان رەسپۋبليكاسى پرەزيدەنتٸنٸڭ جانىنداعى

جاستار كادر رەزەرۆٸ جٶنٸندەگٸ ۇلتتىق كوميسسييانىڭ

قۇرامى

قازاقستان رەسپۋبليكاسىنىڭ پرەزيدەنتٸ ەكٸمشٸلٸگٸنٸڭ باسشىسى, كوميسسييا تٶراعاسى

قازاقستان رەسپۋبليكاسى پرەزيدەنتٸ كەڭسەسٸنٸڭ باستىعى, كوميسسييا تٶراعاسىنىڭ ورىنباسارى

قازاقستان رەسپۋبليكاسىنىڭ مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى, كوميسسييا تٶراعاسىنىڭ ورىنباسارى

قازاقستان رەسپۋبليكاسى پرەزيدەنتٸ ەكٸمشٸلٸگٸ باسشىسىنىڭ ٶڭٸرلٸك ساياسات مەسەلەلەرٸنە جەتەكشٸلٸك ەتۋشٸ ورىنباسارى, كوميسسييا مٷشەسٸ

قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ مەملەكەتتٸك قىزمەت جەنە كادر ساياساتى بٶلٸمٸنٸڭ مەڭگەرۋشٸسٸ, كوميسسييانىڭ حاتشىسى

___________________

قازاقستان رەسپۋبليكاسى
پرەزيدەنتٸنٸڭ

          2019 جىلعى 27 تامىزداعى

№  141     جارلىعىمەن
بەكٸتٸلگەن 

پرەزيدەنتتٸك جاستار كادر رەزەرۆٸن قالىپتاستىرۋ

قاعيدالارى

1-تاراۋ. جالپى ەرەجەلەر

1. وسى پرەزيدەنتتٸك جاستار كادر رەزەرۆٸن قالىپتاستىرۋ قاعيدالارى (بۇدان ەرٸ – قاعيدالار) پرەزيدەنتتٸك جاستار كادر رەزەرۆٸن (بۇدان ەرٸ – رەزەرۆ) قالىپتاستىرۋ تەرتٸبٸن ايقىندايدى.

2. رەزەرۆكە ٸرٸكتەۋدٸ قازاقستان رەسپۋبليكاسى پرەزيدەنتٸنٸڭ جانىنداعى جاستار كادر رەزەرۆٸ جٶنٸندەگٸ ۇلتتىق كوميسسييا (بۇدان ەرٸ – ۇلتتىق كوميسسييا) جٷزەگە اسىرادى.

3. رەزەرۆكە وتىز بەس جاستان اسپاعان, جوعارعى بٸلٸمٸ جەنە بەس جىلدان كەم ەمەس ەڭبەك ٶتٸلٸ بار قازاقستان رەسپۋبليكاسىنىڭ ازاماتى الىنۋى مٷمكٸن.

قازاقستان رەسپۋبليكاسىنىڭ پرەزيدەنتٸ تاعايىنداعان مەملەكەتتٸك قىزمەتشٸلەر رەزەرۆكە ٸرٸكتەۋگە قاتىسۋعا جٸبەرٸلمەيدٸ.

4. رەزەرۆكە الىنعان ادامدار مىناداي لاۋازىمدار توپتارىنا ورنالاسا الادى:

سالالىق لاۋازىمداردىڭ توبى:

قازاقستان رەسپۋبليكاسىنىڭ مينيسترلەرٸ, ولاردىڭ بٸرٸنشٸ ورىنباسارلارى مەن ورىنباسارلارى;

وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ ەكٸمدەرٸنٸڭ بٸرٸنشٸ ورىنباسارلارى مەن ورىنباسارلارى;

ورتالىق اتقارۋشى ورگاندار كوميتەتتەرٸنٸڭ تٶراعالارى;

ۇلتتىق باسقارۋشى حولدينگتەر, ۇلتتىق حولدينگتەر, ۇلتتىق كومپانييالار باسقارمالارىنىڭ تٶراعالارى جەنە مٷشەلەرٸ.

سالالىق لاۋازىمداردىڭ توبى قىزمەتتٸڭ مىناداي باعىتتارىن قامتيدى:

ەكونوميكالىق جەنە قارجىلىق ساياسات;

ەلەۋمەتتٸك ساياسات;

ينفراقۇرىلىمدى جەنە سەرۆيستٸك سالالاردى, ٶنەركەسٸپتٸ, اۋىل شارۋاشىلىعى مەن قورشاعان ورتانى قورعاۋدى دامىتۋ;

سىرتقى جەنە ٸشكٸ ساياسات;

قۇقىقتىق ساياسات;

ٶڭٸرلٸك لاۋازىمداردىڭ توبى:

وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ ەكٸمدەرٸ;

وبلىستىق ماڭىزى بار قالالاردىڭ, وبلىستار اۋداندارىنىڭ جەنە قالالارداعى اۋدانداردىڭ ەكٸمدەرٸ;

باسقارۋشىلىق لاۋازىمداردىڭ توبى:

ورتالىق اتقارۋشى ورگانداردىڭ جاۋاپتى حاتشىلارى;

قازاقستان رەسپۋبليكاسى كونستيتۋتسييالىق كەڭەسٸ, پرەزيدەنتٸنٸڭ ٸس باسقارماسى, قازاقستان رەسپۋبليكاسى ورتالىق سايلاۋ كوميسسيياسى, رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸ, قازاقستان رەسپۋبليكاسىنىڭ مەملەكەتتٸك قىزمەت ٸستەرٸ اگەنتتٸگٸ اپپاراتتارىنىڭ باسشىلارى, قازاقستان رەسپۋبليكاسىنىڭ جوعارعى سوتى جانىنداعى سوتتاردىڭ قىزمەتٸن قامتاماسىز ەتۋ دەپارتامەنتٸنٸڭ (قازاقستان رەسپۋبليكاسى جوعارعى سوتى اپپاراتىنىڭ) باسشىسى;

قازاقستان رەسپۋبليكاسى جوعارى سوت كەڭەسٸنٸڭ حاتشىسى – اپپارات باسشىسى;

جاۋاپتى حاتشى لاۋازىمى ەنگٸزٸلمەگەن ورتالىق اتقارۋشى ورگاندار اپپاراتتارىنىڭ باسشىلارى, ادام قۇقىقتارى جٶنٸندەگٸ ۇلتتىق ورتالىقتىڭ باسشىسى;

وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ ەكٸمدەرٸ اپپاراتتارىنىڭ باسشىلارى.

وسى تارماقتا اتالعان لاۋازىمدارعا تاعايىنداۋلار رەزەرۆكە الىنعان ادامداردىڭ قاتارىنان, سونداي-اق قازاقستان رەسپۋبليكاسىنىڭ زاڭناماسىندا بەلگٸلەنگەن تەرتٸپپەن ٶزگە دە ادامداردىڭ قاتارىنان جٷزەگە اسىرىلا الادى.

5. وسى قاعيدالار قازاقستان رەسپۋبليكاسىنىڭ قارۋلى كٷشتەرٸندەگٸ, باسقا دا ەسكەرلەرٸ مەن ەسكەري قۇرالىمدارىنداعى, سونداي-اق «قازاقستان رەسپۋبليكاسى قۇقىق قورعاۋ جەنە ارناۋلى مەملەكەتتٸك ورگاندارى باسشىلىعىنىڭ پرەزيدەنتتٸك رەزەرۆٸن قالىپتاستىرۋ تۋرالى» قازاقستان رەسپۋبليكاسى پرەزيدەنتٸنٸڭ 2013 جىلعى 28 تامىزداعى № 624 جارلىعىنا سەيكەس جٷزەگە اسىرىلاتىن قۇقىق قورعاۋ جەنە ارناۋلى مەملەكەتتٸك ورگانداردا باسشى لاۋازىمدارعا ورنالاسۋ مەسەلەلەرٸن رەتتەمەيدٸ.

2-تاراۋ. رەزەرۆكە ٸرٸكتەۋ

6. رەزەرۆكە ٸرٸكتەۋ بٸرقاتار دەيەكتٸ كەزەڭدەردٸ قامتيدى:

1. رەزەرۆكە ٸرٸكتەۋدٸ ٶتكٸزۋ تۋرالى حابارلاندىرۋدى جارييالاۋ;
2. كانديداتتاردىڭ قۇجاتتارىن قابىلداۋ;
3. كانديداتتاردىڭ تەورييالىق بٸلٸمٸن تەستٸلەۋ (بۇدان ەرٸ – تەستٸلەۋ);
4. كانديداتتاردىڭ كٶشباسشىلىق قاسيەتتەرٸن, سىني ويلاۋىن, ستراتەگييالىق كٶزقاراسىن, موتيۆاتسيياسى مەن قۇندىلىقتارىن باعالاۋ (ەسسە جازۋ, جوبالاردى تانىستىرۋ, ينتەرۆيۋدەن ٶتۋ جەنە مەملەكەتتٸك قىزمەت ٸستەرٸ جٶنٸندەگٸ ۋەكٸلەتتٸ ورگان ايقىندايتىن باعالاۋدىڭ باسقا قۇرالدارى) (بۇدان ەرٸ – باعالاۋ كەزەڭٸ);
5. رەزەرۆكە ٸرٸكتەۋ جٶنٸندەگٸ ساراپشىلىق كوميسسييادا (بۇدان ەرٸ – ساراپشىلىق كوميسسييا) كانديداتتارمەن ەڭگٸمەلەسۋ;
6. ساراپشىلىق كوميسسييا رەزەرۆكە الۋعا ۇسىنعان كانديداتتاردى ۇلتتىق كوميسسييانىڭ وتىرىسىندا قاراۋ.

رەزەرۆكە ٸرٸكتەۋدٸڭ كەزەڭدەرٸ اقپاراتتىق جٷيەلەر قولدانۋ ارقىلى جٷرگٸزٸلۋٸ مٷمكٸن.

رەزەرۆكە ٸرٸكتەۋ كەزەڭدەرٸن ٶتكٸزۋ مەرزٸمدەرٸن ۇلتتىق كوميسسييا ايقىندايدى.

7. ٸرٸكتەۋدٸ جٷرگٸزۋ تۋرالى حابارلاندىرۋ مەملەكەتتٸك قىزمەت ٸستەرٸ جٶنٸندەگٸ ۋەكٸلەتتٸ ورگاننىڭ (بۇدان ەرٸ – ۋەكٸلەتتٸ ورگان) ينتەرنەت-رەسۋرسىندا, سونداي-اق رەسپۋبليكالىق بۇقارالىق اقپارات قۇرالدارىندا جەنە باسقا رەسۋرستاردا جارييالانادى.

حابارلاندىرۋ وسى قاعيدالاردا ايقىندالعان رەزەرۆكە ٸرٸكتەۋدٸڭ تەرتٸبٸ تۋرالى اقپاراتتى, قۇجاتتاردى تاپسىرۋ مەرزٸمٸن قامتيدى.

8. ٸرٸكتەۋگە قاتىسۋ ٷشٸن مىناداي قۇجاتتار ۇسىنىلادى:

1. جەكە باستى كۋەلاندىراتىن قۇجاتتىڭ كٶشٸرمەسٸ;
2. بٸلٸم تۋرالى قۇجاتتىڭ كٶشٸرمەسٸ;
3. ەڭبەك قىزمەتٸن راستايتىن قۇجاتتىڭ كٶشٸرمەسٸ.

كانديدات قۇجاتتاردى تاپسىرۋ كەزٸندە ونىڭ دەربەس دەرەكتەرٸ, بٸلٸمٸ مەن جۇمىس تەجٸريبەسٸ تۋرالى مەلٸمەتتەر, رەزەرۆكە الىنعان جاعدايدا كانديدات ٷمٸتتەنەتٸن لاۋازىمدار توبى, وسى قاعيدالاردىڭ 4-تارماعىنا سەيكەس سالالىق باعىت كٶرسەتٸلەدٸ.

قۇجاتتارعا مىنا ادامداردىڭ بٸرەۋٸنەن ۇسىنىمحات قوسا بەرٸلەدٸ:

كانديدات جۇمىس ٸستەيتٸن نەمەسە جۇمىس ٸستەگەن ۇيىمنىڭ باسشىسىنان;

ۇلتتىق كومپانييانىڭ, ۇلتتىق حولدينگتٸڭ, ۇلتتىق دامۋ ينستيتۋتىنىڭ باسقارما تٶراعاسىنان نەمەسە ونىڭ ورىنباسارىنان;

مەملەكەتتٸك ساياسي قىزمەتشٸدەن;

ورتالىق اتقارۋشى ورگاننىڭ جاۋاپتى حاتشىسىنان, ورتالىق نەمەسە جەرگٸلٸكتٸ مەملەكەتتٸك ورگاننىڭ اپپارات باسشىسىنان ۇسىنىلادى.

قازاقستان رەسپۋبليكاسى سەناتىنىڭ, مەجٸلٸسٸنٸڭ دەپۋتاتىنان, وبلىستىڭ, رەسپۋبليكالىق ماڭىزى بار قالانىڭ, استانانىڭ مەسليحات حاتشىسىنان ۇسىنىلادى.

ۇسىنىمحات ۇيىمنىڭ نەمەسە لاۋازىمدى ادامنىڭ رەسمي بلانكٸسٸندە:

قول قويىلعان كٷنٸ, كانديداتتىڭ تەگٸ, اتى جەنە جٶنٸ;

ونىڭ كەسٸبي جەنە جەكە قاسيەتتەرٸ ايقىندالعان مٸنەزدەمەلەر;

كانديداتپەن ىنتىماقتاستىقتىڭ ۇزاقتىعى مەن جاعدايلارى كٶرسەتٸلە وتىرىپ رەسٸمدەلەدٸ.

قۇجاتتاردى تاپسىرعان كەزدە كانديدات رەزەرۆكە ٸرٸكتەۋدەن ٶتۋدٸڭ تەرتٸبٸمەن تانىسادى, سونداي-اق ٸرٸكتەۋدٸڭ شارتتارىن قاتاڭ ساقتاۋ جەنە ٶزٸ كٶرسەتكەن مەلٸمەتتەردٸڭ شىنايىلىعىن قامتاماسىز ەتۋ بويىنشا ٶزٸنە مٸندەتتەمە الادى.

9. تەستٸلەۋگە وسى قاعيدالاردىڭ 3-تارماعىندا كٶزدەلگەن تالاپتارعا ساي كەلەتٸن كانديداتتار جٸبەرٸلەدٸ.

تەستٸلەۋدٸڭ قورىتىندىسى بويىنشا ەڭ جوعارى نەتيجەلەردٸ جيناعان كانديداتتار رەزەرۆكە ٸرٸكتەۋدٸڭ كەلەسٸ كەزەڭٸنە جٸبەرٸلەدٸ.

رەزەرۆكە ٸرٸكتەۋدٸڭ كەلەسٸ كەزەڭٸنە جٸبەرٸلەتٸن, ەڭ جوعارعى نەتيجەلەرٸ بار كانديداتتاردىڭ شەكتٸ سانىن ۇلتتىق كوميسسييا ايقىندايدى.

بٸرنەشە كانديداتتا تەستٸلەۋ نەتيجەلەرٸ بٸردەي بولعان كەزدە ٸرٸكتەۋدٸڭ كەلەسٸ كەزەڭٸنە وسى تارماقتىڭ ٷشٸنشٸ بٶلٸگٸنە سەيكەس انىقتالعان سانىنان اساتىن كانديداتتاردىڭ سانىنىڭ ٶتۋٸنە جول بەرٸلەدٸ.

رەزەرۆكە ٸرٸكتەۋگە قاتىسۋ ٷشٸن كانديدات ٶتٸنٸم بەرگەن كەزدە ۇسىنعان مەلٸمەتتەر مەن قۇجاتتارعا باعالاۋ كەزەڭٸنٸڭ الدىندا تەكسەرۋ جٷرگٸزٸلەدٸ.

10. باعالاۋ كەزەڭٸندە كانديداتتاردى باعالاۋ ٷشٸن ۋەكٸلەتتٸ ورگان سالالىق  توپتاردى قۇرادى.

شەشٸمدەردٸ قابىلداۋدىڭ ايقىندىعىن قامتاماسىز ەتۋ ٷشٸن بارلىق كانديداتتاردى باعالاۋ كەزەڭٸندە قوعامداستىقتىڭ ٶكٸلدەرٸ تارتىلۋى مٷمكٸن.

باعالاۋ كەزەڭٸنٸڭ قورىتىندىسى بويىنشا ەڭ جوعارعى نەتيجەلەر العان كانديداتتار ساراپشىلىق كوميسسييادا ەڭگٸمەلەسۋگە  جٸبەرٸلەدٸ.

ساراپشىلىق كەڭەستە ەڭگٸمەلەسۋگە ٶتكٸزٸلەتٸن, ەڭ جوعارعى نەتيجەلەرٸ بار كانديداتتاردىڭ شەكتٸ سانىن ۇلتتىق كوميسسييا ايقىندايدى.

بٸرنەشە كانديداتتا باعالاۋ كەزەڭٸنٸڭ قورىتىندىسى بويىنشا بٸردەي نەتيجەلەر بولعان جاعدايدا ٸرٸكتەۋدٸڭ كەلەسٸ كەزەڭٸنە وسى تارماقتىڭ تٶرتٸنشٸ بٶلٸگٸنە سەيكەس انىقتالعان سانىنان اساتىن كانديداتتاردىڭ سانى ٶتۋٸ مٷمكٸن.

11. ساراپشىلىق كوميسسييانىڭ قۇرامىن قازاقستان رەسپۋبليكاسىنىڭ پرەزيدەنتٸ ەكٸمشٸلٸگٸ ايقىندايدى.

ساراپشىلىق كوميسسييانىڭ وتىرىسىنا دايىندالۋ بارىسىندا كانديداتتار تۋرالى مەلٸمەتتەردٸ, ونىڭ ٸشٸندە تيٸستٸ مەملەكەتتٸك ورگانداردان سۇراتىلاتىن مەلٸمەتتەردٸ, سونداي-اق كانديداتتاردىڭ «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ تالاپتارىنا سەيكەستٸگٸن ۇلتتىق كوميسسييانىڭ جۇمىس ورگانى نەمەسە ۋەكٸلەتتٸ ورگان قارايدى.

ەڭگٸمەلەسۋدٸڭ قورىتىندىسى بويىنشا ٸرٸكتەۋدٸڭ الدىڭعى كەزەڭدەرٸنٸڭ نەتيجەلەرٸن ەسكەرۋمەن ساراپشىلىق كوميسسييا اشىق داۋىس بەرۋ ارقىلى رەزەرۆكە الۋعا ۇسىنىلاتىن كانديداتتاردىڭ تٸزٸمٸن جاسايدى جەنە ۇلتتىق كوميسسييانىڭ قاراۋىنا جولدايدى.

12. ٸرٸكتەۋگە قاتىسۋعا باس تارتۋدىڭ نەگٸزٸ مىنالار بولىپ تابىلادى:

1. كانديداتتىڭ كٶرiنەۋ جالعان مەلٸمەتتٸ جەنە قۇجاتتاردى بەرۋٸ;
2. كانديداتتاردىڭ «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ تالاپتارىنا سەيكەس ەمەستٸگٸ.

13. ۇلتتىق كوميسسييا قازاقستان رەسپۋبليكاسى پرەزيدەنتٸنٸڭ شەشٸمٸمەن جاساقتالادى.

ۇلتتىق كوميسسييا كانديداتتاردى بەس جىل مەرزٸمگە رەزەرۆكە الۋ تۋرالى شەشٸم شىعارادى.

14. ۇلتتىق كوميسسييانىڭ شەشٸمٸنە سەيكەس رەزەرۆكە الىنعان ادامدار بٶلٸنگەن قاراجات شەگٸندە قازاقستان رەسپۋبليكاسى پرەزيدەنتٸنٸڭ جانىنداعى بٸلٸم بەرۋ ۇيىمىنىڭ بٸلٸم بەرۋ باعدارلامالارى بويىنشا قىسقا مەرزٸمدٸ وقىتۋ كۋرستارىنان ٶتە الادى.