Til – ulttyń tuǵyry, urpaqtyń ǵumyry. Qazaq tili qazaqty álemge tanyta alady. Bul týraly QR Prezidenti Qasym-Jomart Toqaev «Egemen Qazaqstan» gazetine bergen suhbatynda aitty, dep habarlaidy "Ult aqparat".
«Álemde túrli úrdister qalyptasýda. Biraq sonyń bári birdei ulttyq múddege sai kele bermeidi. Negizgi qaýip-qaterler alda. Sondyqtan qyraǵylyq saqtai otyryp, qiyndyqtardy eńserýge árdaiym daiyn bolýymyz kerek. Jańa syn-synaqqa tótep berý úshin, eń aldymen, ulttyq qundylyqtardy qorǵai bilgen jón. Ana tilimizdi, salt-dástúrimizdi, ulttyq sana-sezimdi, qoǵamdaǵy tatýlyq pen kelisimdi, bereke-birlikti saqtai almasaq, keler urpaq bizdi keshirmeidi. Ásirese memlekettik tildiń máselesi óte mańyzdy. Til – ulttyń tuǵyry, urpaqtyń ǵumyry. Qazaq tili qazaqty álemge tanyta alady. Halyqtyń tili – halyqtyń tólqujaty. Muny árdaiym este ustaý kerek. Bile bilsek, ulttyq qaýipsizdik tilimizdi qadirleýden bastalady», - dedi Prezident.
Sondai-aq, Prezident «Tsifrly Qazaqstan» memlekettik baǵdarlamasyndaǵy kemshlikter týraly da aitty.
«Búginde tsifrly tehnologiialar qarqyndy damyp, qoǵamdyq ómirdiń túrli salasyna dendep enip keledi. Biz osy úrdiske basa mán berip otyrmyz. Bul – qazirgi zamannyń basty talaby. Muny koronavirýs indetine bailanysty týyndaǵan kúrdeli kezeń anyq ańǵartty. Meniń tapsyrmam boiynsha Úkimet «Tsifrly Qazaqstan» memlekettik baǵdarlamasynda anyqtalǵan kemshilikterdi eskerip, qaita qaraidy. Tsifrlandyrý úderisi elimizdi órkendetýge tyń serpin beretini sózsiz. Onyń mán-mańyzy arta bermek», - dep tolyqtyrdy Qasym-Jomart Toqaev.
