QR Prezidenti Qasym-Jomart Toqaev Qazaqstan Respýblikasynda tótenshe jaǵdaidyń qoldanysyn uzartý týraly Jarlyqqa qol qoidy, dep habarlady Aqorda. "Ult aqparat" Jarlyqtyń tolyq mátinin jariialaidy.
***
Qazaqstan Respýblikasynda tótenshe jaǵdaidyń qoldanysyn uzartý týraly
«Tótenshe jaǵdai týraly» Qazaqstan Respýblikasynyń Zańy 7-babynyń 3-tarmaǵyna sáikes QAÝLY ETEMIN:
1. «Qazaqstan Respýblikasynda tótenshe jaǵdaidy engizý týraly» Qazaqstan Respýblikasy Prezidentiniń 2020 jylǵy 15 naýryzdaǵy № 285 Jarlyǵymen engizilgen Qazaqstan Respýblikasynyń barlyq aýmaǵyndaǵy tótenshe jaǵdaidyń qoldanysy 2020 jylǵy 11 mamyrdaǵy 00 saǵat 00 minýtqa deiin uzartylsyn.
2. Qazaqstan Respýblikasynyń Úkimeti ortalyq jáne jergilikti memlekettik organdarmen birlesip, osy Jarlyqtan týyndaityn qajetti sharalardy qabyldasyn.
3. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q. Toqaev
Nur-Sultan, Aqorda, 2020 jylǵy 29 sáýir
№ 310
