QR Prezidenti Qasym-Jomart Toqaev Ózbekstan Respýblikasynyń Prezidenti Shavkat Mirzieevpen telefon arqyly sóilesti, dep habarlaidy "Ult aqparat" Aqordaǵa silteme jasap.
Áńgimelesý barysynda memleketter basshylary ekijaqty qarym-qatynastardyń qarqyndy damyp kele jatqanyn atap ótip, yntymaqtastyqty odan ári nyǵaitýdyń perspektivalaryn talqylady.
Sonymen qatar Qazaqstan Prezidentiniń biylǵy 14-15 sáýirde Ózbekstanǵa jasaǵan memlekettik saparynyń nátijesinde qol jetkizilgen ýaǵdalastyqtardyń júzege asyrylý barysy qarastyryldy.
Ózbekstandaǵy Qazaqstan jylynyń tabysty ótýine erekshe mán berildi. Onyń aiasynda mádeniet, óner jáne bilim salalary boiynsha yqpaldastyqty jandandyrý jóninde kóptegen shara uiymdastyryldy.
Qasym-Jomart Toqaev Shavkat Mirzieevti kele jatqan jańa jylmen quttyqtap, oǵan memlekettik qyzmette tabys, baýyrlas ózbek halqyna baq-bereke tiledi.
