Muǵalim eńbegin laiyqty baǵalaý - óte mańyzdy mindet. Bul týraly búgin Tamyz konferentsiiasynda Memleket basshysy Qasym-Jomart Toqaev aitty, dep habarlaidy QazAqparat.
«Dástúrge ainalǵan Tamyz konferentsiiasy – ustazdar qaýymy bas qosatyn aýqymdy ári mańyzdy jiyn. Ár adam qandai jetistikke jetse de bilim bergen ustazdarynyń erekshe qadirleidi. Elbasymyz Nursultan Ábishuly Nazarbaevtyń mártebeli mamandyq ielerine degen yqylasy erekshe ekenin ózderińiz jaqsy bilesizder. Mende búgin sizdermen kezdesý úshin osy jiynǵa arnaiy kelip otyrmyn», - degen Memleket basshysy eń aldymen bilim jáne ǵylym salasynyń barlyq qyzmetkerlerine shynaiy yqylasyn bildirdi.
Sonymen qatar Qazaqstan Prezidenti muǵalimderdiń elimizdiń bolashaǵy úshin aianbai eńbek etip kele jatqandaryn basa aitty.
«Bilimdiden shyqqan sóz talaptyǵa bolsyn kez» dep uly Abai aitqandai ustaz árqashan ilim men izgilikti alǵa qoiatyn tulǵa. Ulaǵatty urpaq tárbieleý asa jaýapty ári kúrdeli mindet. Sizderdiń arqalaryńyzda tutas bir býynnyń qundylyqtary men qasietteri qalyptasady. «Ustazy jaqsynyń ustanymy jaqsy» degen halqymyz. Ustazsyz adam bolmaidy. Bárimiz de kezinde muǵalim tálimin alyp, bilimin úirendik. Sondyqtan bolashaqqa jol silteitin muǵalim eńbegin laiyqty baǵalaý óte mańyzdy mindet«, - dedi Q.Toqaev.
