Tabys pen ómir sapasy memleket damýynyń basty kriteriii bolady. Bul týraly búgin Úkimettiń keńeitilgen otyrysynda Elbasy Nursultan Nazarbaev aitty, dep habarlaidy QazAqparat tilshisi.
«Ótken jyly memlekettik jáne áleýmettik saiasatty júieli qaita qarai bastadym. Alǵashqy qadam jasaldy. Bul - 5 áleýmettik bastama. Taiaýdaǵy Joldaý men jastarǵa arnalǵan áleýmettik paket barlyq qazaqstandyqtardyń ál-aýqatyn arttyrýǵa baǵyttalady. Búginde barlyq el birdei mundai áleýmettik shyǵystardy ósirip, biz júrgizip otyrǵan jumystardy atqara almaýy múmkin. Sondyqtan barlyq memlekettik qarajat barynsha tiimdi paidalanylýy tiis, olarǵa baqylaý bolýy qajet», - dedi Elbasy.
Sonymen qatar, Memleket basshysy Qazaqstan damýynyń basty kriteriilerin atady.
«Kiris pen ómir sapasy syndy eki kórsetkishti memleket damýynyń basty kriteriii dep jariialaimyn. Barlyq ekonomika jáne biz jasap jatqannyń barlyǵy túptep kelgende adamdarǵa arnalǵan. Árbir ministr men ákimniń jumysyn osy kórsetkishterdi júzege asyrýy boiynsha baǵalaý kerek», - dedi Nursultan Nazarbaev.
