Shaǵyn jáne keńeitilgen quramdaǵy ekijaqty kelissózderdiń qorytyndysy boiynsha Qasym-Jomart Toqaev pen Sadyr Japarov buqaralyq aqparat quraldary úshin birlesken baspasóz máslihatyn ótkizdi, dep habarlaidy Aqordanyń baspasóz qyzmeti.
Baspasóz máslihatynda e kijaqty bailanystardyń kún tártibindegi mańyzdy mindettiń biri – azamattardyń barys-kelisi men alys-berisin jaqsartý máselesi sóz boldy.
– Osy rette shekara beketteriniń ótkizý múmkindigin arttyrý úshin sharalar qabyldanýda. Mysaly eń iri «Qordai» (Aqjol) beketin jańǵyrtý jumystary – sonyń aiqyn dáleli. Endi jurttyń shekaradan qinalmai ótýine jaǵdai jasalmaq. Bekettiń jabdyqtary jańartyldy. 8 jolaqty avtojol saldyq. Bul jumys óz jalǵasyn tabady. Pasporttyq-baqylaý rejimin jetildirdik. Munyń barlyǵy eki el arasyndaǵy jolaýshylar men kólikterdiń sanyn edáýir arttyrýǵa múmkindik beredi. Qazaqstan bul nysandy jaqyn arada ashýǵa daiyn. Kelisim boiynsha, qyrǵyz tarapy da tiisti jumysty tez arada aiaqtaityn boldy, – dedi Memleket basshysy Qasym-Jomart Toqaev.
Qazaqstan Prezidenti ózara bailanysty nyǵaitý úshin irgeles jatqan aimaqtardyń yntymaqtastyq aiasyn keńeitý jóninde kelisim jasalǵanyna toqtaldy.
Onyń aitýynsha, Óńiraralyq yntymaqtastyqtyń birinshi forýmyn jýyq arada ótkizý qajet, sondai-aq, shekara mańynda taýardy resimdep, óńdeitin saýda-logistikalyq ortalyq qurý kerek.
