Elordada QR Parlamenti palatalarynyń birlesken otyrysy bastaldy. Otyrys barysynda Respýblika Prezidenti ókilettigin ýaqytsha atqaratyn Qasym-Jomart Toqaev Qazaqstan halqyna ant berdi, dep habarlaidy "Ult aqparat".
Birlesken otyrysqa QR Tuńǵysh Prezidenti - Elbasy Nursultan Nazarbaev, Úkimet músheleri, Prezidentke tikelei baǵynatyn jáne esep beretin memlekettik organdardyń basshylary, Qazaqstanda tirkelgen sheteldik missiialardyń basshylary, Senat depýtattary, Májilis depýtattary qatysyp otyr.
Aita keteiik, QR Konstitýtsiiasynyń 48-babyna sáikes Qazaqstan Respýblikasynyń Prezidenti qyzmetinen merziminen buryn bosaǵan jaǵdaida Respýblika Prezidentiniń ókilettigi qalǵan merzimge Parlament Senatynyń tóraǵasyna kóshedi. Sonymen qatar dál osy bapta ózine Respýblika Prezidentiniń ókilettigin qabyldaǵan tulǵa óziniń ókilettigin tapsyratyndyǵy kórsetilgen.
Qazaqstan Respýblikasynyń Premer-Ministri, Memlekettik hatshy, Syrtqy ister ministri. Úshinshi, tórtinshi sailanymdaǵy QR Parlamenti Senatynyń Tóraǵasy, BUU Bas hatshysynyń orynbasary, BUU-nyń Jenevadaǵy bólimshesiniń Bas direktory, Qarýsyzdandyrý konferentsiiasynyń Bas hatshysy qyzmetterin atqarǵan. 2013 jylǵy 16 qazanda QR Prezidentiniń Jarlyǵymen Parlament Senatynyń depýtattyǵyna taǵaiyndalyp, Senat Tóraǵasy bolyp sailandy. 2017 jylǵy 14 qyrkúiekte QR Parlamenti Senatynyń otyrysynda Prezidenttiń usynysy boiynsha jasyryn daýys berý arqyly Qasym-Jomart Kemeluly Toqaev Senattyń tóraǵasy bolyp qaitadan sailandy.
.jpeg)