QR Prezidenti Ákimshiliginiń front-keńsesi azamattardy qabyldaýyn ýaqytsha toqtatty. Mundai aqparat QR Prezidenti Ákimshiligi qoǵamdyq qabyldaýynyń Telegram-daǵy paraqshasynda jariialandy, dep habarlaidy "Ult aqparat".
«Koronavirýstyń taralý qaýpin tómendetý boiynsha aldyn ala sharalar qabyldaý maqsatynda Prezident Ákimshiliginiń front-keńsesi 2020 jyldyń 16 naýryzynan azamattardy qabyldaýdy ýaqytsha toqtatatyndyǵyn habarlaidy. Erterek jazylyp qoiǵan azamattar kezekterin saqtaidy jáne qabyldaý qaita bastalǵannan keiin jańa keste týraly qosymsha habarlanady», - delingen taratylǵan aqparatta.
Sonymen qatar atalǵan habarlamada shaǵymdardy Prezidenttiń virtýaldy qabyldaý portaly, «e-gov» elektrondy úkimeti jáne «Qazposhta» AQ qyzmetteri arqyly berý múmkindigi saqtalatyndyǵyn eskertilgen.
