Elbasy N.Nazarbaevtyń jarlyǵymen Áliia Raqysheva Qazaqstan Respýblikasy Prezidentiniń Ákimshiligi Basshysynyń orynbasary bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Áliia Ǵalymjanqyzy Raqysheva Qazaqstan Respýblikasy Prezidentiniń Ákimshiligi Basshysynyń orynbasary bolyp taǵaiyndalsyn" delingen Elbasy jarlyǵanda.
Memleket basshysynyń Ókimimen Áliia Ǵalymjanqyzy Raqysheva basqa jumysqa aýysýyna bailanysty Qazaqstan Respýblikasy Prezidenti Ákimshiliginiń Memlekettik quqyq bóliminiń meńgerýshisi qyzmetinen bosatyldy.
2001 jyly Qazaq memlekettik zań akademiiasyn bitirgen.
2001-2002 jyldary – Qazaqstan Respýblikasy Ádilet ministrliginiń Halyqaralyq quqyq jáne protokol departamenti, Halyqaralyq quqyq jáne memlekettik múliktik quqyqtardy qorǵaý departamenti, Zańnamalyq departamentiniń jetekshi mamany.
2002-2005 jyldary – Qazaqstan Respýblikasy Ádilet ministrliginiń Zańnamalyq departamenti zań jobalaryn saraptaý jáne daiyndaý basqarmasynyń bólim bastyǵy, Zań jobalary qyzmetin úilestirý, zańnamany júiege keltirý departamentiniń bólim bastyǵy, Zańnamalyq departamentiniń bólim bastyǵy, odan keiin basqarma bastyǵy.
2005-2007 jyldary – Qazaqstan Respýblikasy Ortalyq sailaý komissiiasy apparaty zań bóliminiń konsýltanty, meńgerýshisi.
2007-2013 jyldary – Qazaqstan Respýblikasy Ortalyq sailaý komissiiasy ákimshilik basqarmasynyń bastyǵy – apparat basshysy.
2013 jyly qańtar aiynda Memleket basshysynyń ókimimen Qazaqstan Respýblikasy Prezidenti Ákimshiliginiń Memlekettik quqyq bóliminiń meńgerýshisi bolyp taǵaiyndalǵan.
Orys, aǵylshyn (sózdik boiynsha) tilderin meńgergen.
«Eren eńbegi úshin» (2008 j.) medalimen marapattalǵan.
