QR Premer-Ministriniń ókimimen Aidyn Meirambekuly Kárimov Qazaqstan Respýblikasy Premer-Ministriniń Keńsesi basshysynyń orynbasary laýazymyna taǵaiyndaldy. Bul týraly QR Premer-Ministriniń Baspasóz qyzmeti habarlaidy.
Aidyn Kárimov 1988 jylǵy 1 qańtarda dúniege kelgen. L. Gýmilev atyndaǵy Eýraziia ulttyq ýniversitetin, Qazaq qarjy-ekonomika akademiiasyn, KAZGIýÝ ýniversitetin támamdaǵan.
Eńbek jolyn 2006 jyly bastaǵan. Túrli jyldary QR TJM «Esepteý tehnikasy, telekommýnikatsiialar, informatika jáne sitýatsiialyq taldaý» RMK, «AiTi-Servis» JShS, «Ulttyq aqparattyq tehnologiialar» AQ, «Telekommýnikatsiialar salasyndaǵy tehnikalyq súiemeldeý ortalyǵy» RMK, Astana jáne Semei qalalary ákiminiń apparattarynda qyzmet etken.
2012-2016 jyldary QR Ekonomikalyq damý jáne saýda ministrliginiń (qazirgi QR Saýda jáne integratsiia ministrligi) Halyqaralyq ekonomikalyq integratsiiany retteý departamentiniń direktorynyń orynbasary, basqarma basshysy, bas sarapshysy bolyp jumys istedi.
2016 jyldan bastap QR Premer-Ministri Keńsesiniń qurylymynda jumys isteidi: 2016-2017 jyldary — Syrtqy bailanystar jáne hattama bólimi meńgerýshisiniń orynbasary, 2017-2019 jyldary — Syrtqy bailanystar jáne hattama bóliminiń meńgerýshisi – QR Premer-Ministriniń hattama shefi.
2019 jyldyń sáýir aiynan QR Premer-Ministri Keńsesiniń Syrtqy ekonomikalyq yntymaqtastyq jáne hattama bóliminiń meńgerýshisi laýazymyn atqardy.
