QR Premer-Ministriniń Ókimimen Asqar Serikjanuly Jákenov QR Premer-Ministriniń Keńsesi Basshysynyń orynbasary qyzmetine taǵaiyndaldy.
Asqar Jákenov 1975 jyly 13 qyrkúiekte Qaraǵandy qalasynda týǵan. Qaraǵandy memlekettik tehnikalyq ýniversitetin jáne «Qainar» ýniversitetin támamdaǵan.
Eńbek jolyn 1998 jyly Qaraǵandy qalasyndaǵy «Kargormash-ITEKS» JTAQ-ynda bastady. 1999 jyly QR Ádilet ministrligine jumysqa qabyldandy, onda jetekshi mamannan bastap basqarma basshysyna deiin qyzmet etti.
2004 jylǵy naýryzdan bastap 2012 jylǵy aqpanǵan deiin Qazaqstan Respýblikasynyń Premer-Ministri Keńsesiniń Zań bólimi meńgerýshisiniń orynbasary bolyp eńbek etti.
2012 jyldyń aqpan aiynan 2013 jyldyń shildesine deiin Qazaqstan Respýblikasy Premer-Ministri Keńsesiniń Zańnama, qorǵanys jáne quqyqtyq tártip bólimi meńgerýshisiniń orynbasary.
2013 jylǵy tamyzdan bastap qazirgi ýaqytqa deiin Qazaqstan Respýblikasynyń Premer-Ministri Keńsesiniń Baqylaý jáne qujattamalyq qamtamasyz etý bóliminiń meńgerýshisi qyzmetin atqarǵan.
