Búgin Ortalyq sailaý komissiiasy Qazaqstan Respýblikasynyń Prezidenttigine kandidat Qasym-Jomart Kemeluly Toqaevtyń Konstitýtsiiada jáne «Qazaqstan Respýblikasyndaǵy sailaý týraly» Konstitýtsiialyq zańynda qoiylǵan talaptarǵa sáikestigin anyqtaý týraly qaýlyny qabyldady, dep habarlaidy "Ult aqparat".
"2019 jylǵy 23 sáýirde «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 55-babyna sáikes «Nur Otan» partiiasy» qoǵamdyq birlestigi Qasym-Jomart Kemeluly Toqaevty Qazaqstan Respýblikasynyń Prezidenttigine kandidat retinde usynýyna bailanysty onyń tiisti qujattaryn Qazaqstan Respýblikasy Ortalyq sailaý komissiiasyna usyndy. Atap aitqanda, «Nur Otan» partiiasy» qoǵamdyq birlestiginiń joǵary organy otyrysynyń Qasym-Jomart Kemeluly Toqaevty Qazaqstan Respýblikasynyń Prezidenttigine kandidat retinde usyný týraly hattamasynan úzindi kóshirme; Qazaqstan Respýblikasy Ortalyq sailaý komissiiasynyń shotyna sailaý jarnasynyń engizilgenin kýálandyratyn qujat; Qasym-Jomart Kemeluly Toqaevtyń ómirbaiandyq derekteri, jeke basyn kýálandyratyn qujattyń, joǵary oqý ornyndaǵy bilimi týraly diplomdarynyń kóshirmeleri, memlekettik qyzmette nemese memlekettik sailanbaly laýazymdardaǵy jumys tájiribesi týraly málimetter qosa berilgen, onyń Qazaqstan Respýblikasynyń Prezidenttigine kandidat retinde daýys berýge túsýge kelisim bergeni týraly ótinishi tústi", - dedi QR OSK hatshysy Sábila Mustafina.
Onyń atap ótýinshe, sol kúni QR Ortalyq sailaý komissiiasynda Qasym-Jomart Kemeluly Toqaevtyń memlekettik tildi erkin meńgergendigin anyqtaý jónindegi lingvistikalyq komissiianyń otyrysy bolyp ótti. Lingvistikalyq emtihan barlyq belgilengen kezeńder boiynsha ótkizildi. Ótkizilgen emtihannyń nátijeleri boiynsha lingvistikalyq komissiia Qazaqstan Respýblikasynyń Prezidenttigine kandidat Qasym-Jomart Kemeluly Toqaevtyń memlekettik tildi erkin meńgergeni jóninde sheshim qabyldady. Ortalyq sailaý komissiiasy Qazaqstan Respýblikasynyń Prezidenttigine kandidat Qasym-Jomart Kemeluly Toqaevtyń Konstitýtsiiada jáne «Qazaqstan Respýblikasyndaǵy sailaý týraly» Konstitýtsiialyq zańda belgilengen talaptarǵa sáikestigin tekserýde járdemdesýi úshin ýákiletti memlekettik organdarǵa suraý saldy jáne tiisti málimetter aldy.
Ortalyq sailaý komissiiasy Qasym-Jomart Kemeluly Toqaev Ishki ister ministrliginiń Kóshi-qon qyzmeti komitetiniń málimetteri negizinde týmysynan Respýblika azamaty bolyp tabylatyndyǵyn, Konstitýtsiialyq Keńestiń normativtik qaýlysynyń negizinde sońǵy on bes jyl ishinde Qazaqstanda turatynyn anyqtady. Qazaqstan Respýblikasy Konstitýtsiialyq Keńesiniń «Qazaqstan Respýblikasy Konstitýtsiiasynyń 41-babynyń 2-tarmaǵyn resmi túsindirý týraly» 2019 jylǵy 25 sáýirdegi № 4 normativtik qaýlysyna sai Qazaqstanda sońǵy on bes jyl turatyndyǵy bóliginde Konstitýtsiianyń 41-babynyń 2-tarmaǵyna sáikes joǵary bilimi bar ekenin, Bas prokýratýranyń Quqyqtyq statistika jáne arnaiy esepke alý jónindegi komitetiniń málimetteri negizinde sot zańmen belgilengen tártipte ótelmegen nemese alyp tastalmaǵan sottalǵandyǵy joqtyǵyn, sot sybailas jemqorlyq qylmys jáne sybailas jemqorlyq quqyq buzýshylyq úshin jaýapqa tartpaǵanyn, belsendi sailaý quqyǵyna ie ekendigin, Memlekettik qyzmet isteri jáne sybailas jemqorlyqqa qarsy is-qimyl agenttiginiń málimetteri negizinde memlekettik qyzmette, sondai-aq sailanbaly memlekettik laýazymdarda keminde 5 jyl jumys tájiribesi bar ekendigin anyqtady.
Sonymen qatar ol oblystardyń, respýblikalyq mańyzy bar qalalardyń, Qazaqstan Respýblikasy astanasynyń sailaý komissiialaryna Qazaqstan Respýblikasynyń Prezidenttigine kandidatty qoldap qol jinaýǵa arnalǵan qol qoiý paraqtaryn Qasym-Jomart Kemeluly Toqaevqa berý tapsyrylǵanyn aitty.
"Qol jinaýdy Prezidenttikke kandidattyń senim bildirgen adamdary júzege asyrady jáne ol qol qoiý paraqtarymen resimdeletinin atap ótý qajet", - dedi ol.
