QR Ortalyq sailaý komissiiasynyń Senat depýtattarynyń sailaýyna bailanysty otyrysy onlain rejimde ótip jatyr, dep habarlaidy QazAqparat.
«Búgin QR Prezidentiniń Qazaqstan Respýblikasy Parlamenti Senaty depýtattarynyń kezekti sailaýyn taǵaiyndaý týraly qaýlysy jariialandy. QR Konstitýtsiiasyna sáikes, Senat Konstitýtsiialyq zańda belgilengen tártippen ár oblystan, respýblikalyq mańyzy bar qaladan jáne QR astanasynan 2 adam ókildik etetin depýtattardan quralady. Sailanǵan Senat depýtattarynyń jartysy ár úsh jyl saiyn qaita sailanady», - dedi otyrysty ashqan QR OSK tóraǵasy Berik Imashev.
Onyń atap ótýinshe, osy jyldyń qazan aiynda 2014 jyly sailanǵan Senattyń 17 depýtatynyń ókilettik merzimi aiaqtalady.
«Senat depýtattaryn janama sailaý quqyǵy negizinde jasyryn daýys berý arqyly tańdaýshylar - máslihat depýtattary sailaidy. Olardy óz kezeginde respýblika azamattary sailady. Osylaisha, el azamattary óz ókilderi arqyly Senatty qalyptastyrýǵa qatysady», - dedi ol.
Qazirgi ýaqytta otyrysta 2020 jyldyń 12 tamyzyna taǵaiyndalǵan Parlament Senaty depýttaryn sailaýǵa daiyndyq jáne ony ótkizý máseleleri qaralyp jatyr.
