Foto: QR OAM
QR Oqý-aǵartý ministrligi 2025–2026 oqý jylyndaǵy sabaq bastalý jáne aiaqtalý merzimderin, sondai-aq kanikýl ýaqyttaryn jariialady, dep habarlaidy Ult.kz.
Ministrliktiń málimetinshe, kelesi oqý jyly 2025 jylǵy 2 qyrkúiekte bastalyp, 2026 jylǵy 25 mamyrda aiaqtalady. Al Bilim kúnine arnalǵan saltanatty jiynnyń kúni men ýaqyty ár mekteptiń pedagogikalyq keńesiniń sheshimimen anyqtalady.
Birinshi toqsanda oqý ýaqyty 8 apta. Kúzgi kanikýl 2025 jylǵy 27 qazanda bastalyp, 2 qarashany qosa alǵandaǵy 7 kúnge sozylady.
Ekinshi toqsan 8 oqý aptasynan turady. Qysqy kanikýl 2025 jylǵy 29 jeltoqsanda bastalyp, 2026 jylǵy 7 qańtardy qosa alǵandaǵy 10 kúnge jalǵasady.
Birinshi synyp oqýshylary úshin qosymsha demalys 2026 jylǵy 9 aqpannan 15 aqpandy qosa alǵandaǵy 7 kúndi quraidy.
Úshinshi toqsan 10 oqý aptasynan turady. Kóktemgi kanikýl 2026 jylǵy 19 naýryzda bastalyp, 29 naýryzdy qosa alǵandaǵy 11 kúnge sozylady.
Tórtinshi toqsannyń uzaqtyǵy 8 oqý aptasyn quraidy, oqý jyly 2026 jylǵy 25 mamyrda aiaqtalady.
