Mádeniet jáne sport ministri Arystanbek Muhamediulynyń buiryǵymen Qýat Qaharmanuly Borashev QR Mádeniet jáne sport ministrliginiń Tilderdi damytý jáne qoǵamdyq saiasi jumys komitetiniń tóraǵasy bolyp taǵaiyndaldy, dep habarlaidy "Ult aqparat".
Qýat Borashev 1972 jyly Jambyl oblysynda dúniege kelgen. 1994 jyly Ál-Farabi atyndaǵy Qazaq memlekettik ulttyq ýniversitetin jýrnalist mamandyǵy boiynsha támamdaǵan.
Eńbek jolyn 1989 jyly bastaǵan. 1994–2005 jyldary túrli media salasyndaǵy uiymdarda jumys istegen: «Qazaqstan» memlekettik teleradio habar taratý kompaniiasy, «Qazaqstan teledidary men radiosy» respýblikalyq korporatsiiasy, «Raihan–TV» telekompaniiasy, «Taraz–TV» telearnasy, «Jambyl oblystyq teleradio kompaniiasy» JAQ, «Egemen Qazaqstan» respýblikalyq gazeti.
2005–2006 jyldary «QR Prezidenti TRK» KEAQ bólim meńgerýshisi bolǵan, QR Prezidentiniń baspasóz qyzmetinde eńbek etken.
2007–2012 jyldary QR Prezident ákimshiliginiń áleýmettik-saiasi bólimshesiniń bas sarapshysy; QR Prezidenti ákimshiliginiń Ishki saiasat bóliminiń sektor meńgerýshisi retinde qyzmet atqarǵan.
2012 jyly QR Mádeniet jáne aqparat ministrliginiń Aqparat jáne muraǵat komiteti tóraǵasynyń orynbasary bolyp taǵaiyndalǵan. 2013–2017 jyldary QR Memlekettik Hatshysy Hatshylyǵy meńgerýshisiniń orynbasary laýazymyn atqarǵan.
2017 jyldyń maýsym aiynan bastap qazirgi tańǵa deiin «Egemen Qazaqstan» respýblikalyq gazetiniń bas redaktory qyzmetin atqarǵan.
