Qazaqstannyń qorǵanys ministrligi Siriiaǵa qazaqstandyq áskerdi jiberý máselesi boiynsha syrtqy ister ministrliginiń pozitsiiasyn qoldaidy. Bul týraly QR Qarýly kúshteri bas shtabynyń basshysy Ádilbek Albergenov aitty, - dep habarlaidy RIA Novosti.
"Reseidiń qazaqstandyq áskerlerdi Siriiaǵa attandyrý jaily usynysyn qarastyra otyryp, osyǵan deiin QR Ishki ister ministrliginiń resmi túsinik bergenin habarlaimyz. Qorǵanys ministrligi QR SIM ókilderi aitqan resmi málimdemedegi pozitsiiany ustanady", - dep habarlady Ádilbek Albergenov.
Aita keteiik, 23 maýsymda Qazaqstan SIM ókilderi Siriiaǵa áskerlerdi jiberý týraly eshkimmen kelissózder júrgizip jatpaǵanyn málimdegen bolatyn. "(...) Qazaqstan Siriiaǵa ózderiniń áskerilerin jiberý týraly eshkimmen kelissózder júrgizip jatqan joq. Siriiadaǵy tórt aýmaqtyń qaýipsizdigi men tiimdiligi jaily másele qazirgi ýaqytta talqylanyp jatyr. Bul týraly jáne basqa da máseleler týraly Astanada 4-5 shildede ótetin kezdesý barysynda talqylanady", - dep habarlaǵan edi QR SIM basshysy Qairat Ábdirahmanov.
Sondai-aq, osyǵan deiin mamandar Qazaqstan Siriiaǵa áskerlerin jibergen jaǵdaida ne bolýy múmkin ekenin aitqan bolatyn. Saiasattanýshy ári sarapshy Erlan Qarin bul máselege bylai dep pikir bildirgen edi. "Myna sońǵy habarǵa bailanysty aitarym, mynadai jaǵdaida tek qana qazaqstandyq resmi aqparat kózderine júgingen durys. Kezinde Eýraziialyq parlament taqyryby tóńireginde de solai bolǵan. Usynyldy, talqylandy dedi, al shyn mánisinde biz taraptan ondai taqyryp múldem qarastyrylmady. Sondyqtan, ártúrli resmi emes akparatka sene berýdiń keregi joq".
