QR Qorǵanys ministrligi Resei áýejaiynda «synyp turǵan» qazaqstandyq ushaqqa qatysty túsinik berdi, dep habarlaidy "Ult aqparat".
«Keibir buqaralyq aqparat quraldarynda «Tolmachevo» áýejaiynda (Novosibir qalasy) qanaty synǵan qazaqstandyq ushaq turǵany jóninde aqparat paida boldy. Indýstriia jáne infraqurylymdyq damý ministrligine silteme jasap habarlanǵandai, atalǵan ushaq Qazaqstan Respýblikasy Qorǵanys ministrliginiń balansynda tur.
Atalǵan aqparat boiynsha Qorǵanys ministrligi kelesini habarlaidy:
Qazaqstan Áckeri-áýe kúshteriniń (áýe basqarý pýnktiniń) ushaǵy jospar boiynsha tehnikalyq qyzmet kórsetýden ótý úshin Resei Federatsiiasy Novosibir qalasyndaǵy «OO S-7 INJINIRING» kásipornynda tur. Jóndeý jumystary barysynda fiýzeliajdyń jeke bólikterin jáne basqa da toraptar men agregattardy bólshekteý qajet bolýy múmkin. Bul jerde tańǵalarlyq eshteńe joq, jumys josparly túrde ótkizilip jatyr.
Qorǵanys ministrligi BAQ ókilderine resmi derekkózdermen rastalǵan jáne tekserilgen aqparatty paidalanýdy usynady jáne sensatsiiaǵa umtylmaýǵa shaqyrady», - delingen Qorǵanys ministrliginiń aqparatynda.
