QR Qorǵanys ministri Nurlan Ermekbaev Qapshaǵai garnizonynda Desanttyq-shabýyldaý áskerleriniń áskeri bólimderin jáne radiatsiialyq, himiialyq jáne biologiialyq qorǵanys bólimin dabyl boiynsha kóterdi. Bul týraly ministrliktiń baspasóz qyzmeti habarlady.
Basty maqsat bólimshelerdiń arnalym boiynsha tapsyrmalardy oryndaýdaǵy qabiletterin tekserý boldy.
Tolyqtai jaýyngerlik daiyndyqqa keltirilgennen keiin bólimshe belgilengen aýdandarǵa marsh jasap, ol jerde qoiylǵan oqý-jaýyngerlik tapsyrmalardy oryndady. Komandirlermen ártúrli sheshimder qabyldandy.
Tekseris barysynda jeke quramnyń shattyq qarý-jaraqtarmen is-qimyldaryna, tájiribelik oq atýlardy oryndalýyna, jaýyngerlik daiarlyq pánderi boiynsha normativterdi júrgizýge jáne pysyqtaýǵa erekshe nazar aýdaryldy.
Tekserý nátijeleri boiynsha Qorǵanys ministri jaýyngerlik ázirlikti qajetti deńgeide ustaý jóninde naqty tapsyrmalar berdi.
