QR qorǵanys ministri Sáken Jasuzaqov áskerilerdi jalaqysyn ósirip, baspanamen qamtamasyz etýge ýáde berdi, - dep habarlaidy "Ult aqparat" kaz.tengrinews.kz portalyna silteme jasap.
"Áskeri qyzmetkerlerdiń ailyǵyn 2011 jyly ósirilgenin eskere otyryp, qorǵanys ministrligi kezeń-kezeńmen ósirýdi kózdep otyr. Bul týraly men Joǵary qolbasshyǵa baiandadym, osy baǵyttaǵy qoldaý kórsetý týraly aldymyzǵa mindet qoidyq", - dedi Sáken Jasuzaqov Májilistegi úkimet saǵatynda.
"Úkimetpen jumys istep jatyrmyz, premer-ministr úkimetpen jiyn ótkizdi. Túsinik bar, esepteýlerdi joldadyq jáne osy másele sheshiledi dep oilaimyz", - dedi ol.
Ol jańa erejelerdiń arqasynda ministrliktiń áskerilerdiń baspana máselesin sheshetinin atap ótti. "Áskerilerdi qamtamasyz etý boiynsha jańa erejelerdi qabyldaǵannan keiin áskeri qyzmetkerlerdi baspanamen qamtý máselesi sheshilip jatyr", - dep málimdedi ministr.
Sondai-aq, Sáken Jasuzaqov armiiada sýitsidtiń aldyn alý jumystarynyń qalai júrgizilip jatqanyn da aityp berdi.
"Jaýyngerlik dos" atty jańa ádistemelik kómekshi quraldyń paidasy bar ekenin kórip otyrmyz. Bul júie boiynsha laýazymdy tulǵalardyń sýitsidke beiim ádebiniń aldyn alý, serjanttar keńesiniń anonim anketteý jumystaryn qamtidy", - deidi ministr.
"Iaǵni seriktes júiesi ofitserlerden serjanttarǵa deiin qoldanylady, seriktester bir-birin bilip, onyń ómirinde qandai jaǵdailar bolyp otyrǵanyn aityp bere alady. Sebebi keibir sarbazdar komandirge máselesin aita almaýy múmkin, al seriktesi dos, ol aitqysy keledi, qandai problemasyn baryn aityp beredi", - dep túsindirdi Jasuzaqov.
