Ata zańymyzdyń 25 jyldyq mereitoiyna orai, Almatynyń Almaly aýdanynda 25 túp alma aǵashy otyrǵyzyldy, dep habarlaidy "Ult aqparat".
Jas Otandyqtar eriktilermen birlesip aktsiia ótkizdi, shara barysynda Almaly aýdanynyń jastar skeitparki aýmaǵynda 25 alma kóshetin otyrǵyzdy.
«Osy aktsiia arqyly biz jastardy qoǵamdyq tártipti saqtaýǵa, patriottyq sezimderin qalyptastyrýǵa, týǵan jer men tabiǵatqa janashyrlyqpen qaraýǵa shaqyramyz. Osyndai is-sharalar árbir adamdy óz ortasyn taza ustaýǵa jáne týǵan jerge súiispenshilikpen qaraýǵa úiretse deimiz», - deidi «Jas Otan» jastar qanaty Almaty qalalyq filialynyń tóraǵasy Mádi Ahmetov
Óz kezeginde qala turǵyndary da Jas Otandyqtarǵa alǵystaryn bildirdi.
«Mundai aktsiianyń ótkizilgeni óte jaqsy. Ýaqyt óte kele aǵashtar jemis berip, ádemi bola túsedi. Mundai aktsiialardy jii ótkizý qajet, bul qalanyń estetikalyq sapasyn jaqsartady, sondai-aq almatylyqtardy jaiaý serýendeýge shaqyratyn bir sebep», - dep atap ótti qala turǵyny Jandos Talipov.
.jpeg)