QR Ishki ister ministrligi Jelide tarap jaúrgen "ólim oiyndaryna" qarsy júrgizilip jatqan sharalar jaiynda aityp berdi. kaz.tengrinews.kz tilshisine bergen suhbatynda Memlekettik til jáne aqparat departamentiniń direktory Almas Sádýbaev qazirgi ýaqytta sýitsidti nasihattaityn toptarǵa monitoring júrgizilip jatqanyn aitty.
"Sońǵy kezderi áleýmettik jelilerde sýitsidti nasihattaityn "Sinii kit", "Tihii dom" toptary tarap jatyr. Oiynǵa kirgen balalar tapsyrmalar oryndaýy qajet, onyń ishinde tamyryńdy kesý kerek jáne qolyńa kittiń sýretin salý kerek degen siiaqty tapsyrmalardy oryndaý qajet, sońynda olar ózderine qol jumsaýy tiis. Sonymen qatar, oiyn moderatorlary oiynshy týraly málimetterdi bilip otyrady. Osy áreket boiynsha QR Qylmystyq kodeksiniń 105-baby, 6-bóligi ("Jábirlenýshini qorqytý, oǵan qatygezdikpen qaraý nemese onyń adami qadir-qasietin únemi qorlaý arqyly adamdy ózin-ózi óltirýge deiin nemese ózin-ózi óltirýge barýǵa deiin jetkizý") tergeý júrgiziledi", - dedi Sádýbaev.
QR IIM málimetinshe, 2016 kámeletke tolmaǵan adamǵa qatysty jasalǵan is-áreketter boiynsha toǵyz qylmystyq is júrgizilgen, alaida olardyń áleýmettik jeli arqyly jasalǵany rastalǵan joq.
"Áleýmettik jelilerdiń basqa elderde ornalasqanyna bailanysty bul resýrstardyń toptaryn buǵattaýmen ainalysamyz. Ata-analarǵa balalarynyń virtýaldy ómirine baqylaý ornatýǵa keńes beremiz, eger osyǵan uqsas jaǵdaiǵa tap bolsańyz, politsiiaǵa habarlasýyńyzdy suraimyz. Sol derekterge sai sharalar qoldanylatyn bolady", - dedi Almas Sádýbaev.
Eske salaiyq, "Otbasy jáne otbasylyq qundylyqtardy qoldaý boiynsha qazaqstandyq ata-analardyń qaýymdastyǵy" respýblikalyq qoǵamdyq uiymy azamattardy balalaryn ólimge aparatyn "Sinii kit" (Tihii dom") dep atalatyn oiynynan qaýipsizdendirýge shaqyrdy.
Assotsiatsiia mamandary osy oiynnyń áleýmettik jelide egjei-tegjeili qalai oinalatyny shyqqannan keiin úreilene eskertedi. VKontakte jelisinde "Sinii kit" jáne "Tihii dom" toptarynda balalar men jasóspirimderdi osylai atalatyn oiynǵa shaqyrady eken. Qoldanýshylardyń aitýynsha, oiynǵa kirgen balalar 50 tapsyrma oryndaýy qajet, onyń ishinde tamyryńdy kesý kerek jáne qolyńa kittiń sýretin salý kerek degen siiaqty tapsyrmalardy oryndaý qajet, sońynda olar ózderine qol jumsaýy tiis. Finaldyq tapsyrma mindetti túrde oryndalýy kerek, áitpese uiymdastyrýshylar balanyń týystaryn óltiremiz dep qorqytady eken.
