QR Ishki ister ministrligi áleýmettik jeli arqyly taraǵan itti tiridei órtep jiberý oqiǵasyna qatysty resmi túsinik berdi, dep habarlaidy QazAqparat.
«Biyl 18 shilde kúni «Jaloby Pavlodar» Instagram paraqshasynda belgisiz bireýdiń itti órtegeni týraly video tarady. 19 shilde kúni Qylmystyq kodekstiń 316-babyna sáikes qylmystyq is qozǵaldy. Videomaterial uzaqtyǵy boiynsha qysqa bolýyna jáne naqty bir eldi mekenniń aitylmaýyna bailanysty qazirgi ýaqytta oqiǵa bolǵan jer anyqtalý ústinde. Aldyn ala izdeý nátijesi boiynsha oqiǵa Pavlodar oblysynda bolmaǵany anyqtaldy», - dedi QR IIM Ákimshilik politsiia komiteti basshysynyń orynbasary Serik Túsipov Ortalyq kommýnikatsiialar qyzmetinde ótken baspasóz máslihatynda.
Eske sala ketsek, biyl shilde aiynda Instagram paraqshasynda belgisiz bireýdiń itti órtegeni týraly videojazba tarady. Keibir BAQ-tyń habarlaýynsha, tártip saqshylary oqiǵanyń Pavlodar oblysynda bolǵanyn boljaǵan.
