QR Ishki ister ministriniń birinshi orynbasary Marat Qojaev Nur-Sultan men Almatydaǵy mitingke orai pikir bildirdi, dep habarlaidy QazAqparat tilshisi.
«Nur-Sultan men Almaty qalalarynda Qazaqstanda tirkelmegen jáne sot tyiym salǵan QDT estremistik uiymynyń úndeýimen alańdarǵa birneshe júzdegen adam shyqty. Ózderińizge de belgili bolyp otyrǵandai, atalǵan uiymnyń qashqyn basshysy sailaý qarsańynda eldegi bilikti diskreditatsiialaý, kezekten tys prezidenttik sailaýǵa boikot jariialaý boiynsha jappai nasihat jumysyn júrgizdi. Sailaý kezeńinde qoǵamǵa qarsy is-áreketter jasaýǵa shaqyrdy. Olardyń destrýktivti shaqyrýlaryna qaramastan sailaý josparly rejimde ótip jatyr. Halyq ózderiniń qalaýlaryn bildirý úshin sailaý ýchaskelerine barýda», - dedi birinshi vitse-ministr Ortalyq sailaý komissiiasynda ótken brifingte.
Onyń sózinshe, qazirgi tańda qoǵamdyq tártip pen qaýipsizdikti qadaǵalaý sharalary qabyldanyp jatyr.
«Barlyqtaryńyzǵa belgili, zańnamamyzda kez kelgen beibit jiyn, sherý, miting ótkizý tártibi naqty jazylǵan. Zańdy talapty saqtamaǵandar jaýapqa tartylady», - dedi Marat Qojaev.
