Avtokólikti tirkeý, jeke basty kýálandyratyn qujattar men júrgizýshi kýálikterin berý, sondai-aq azamattardy turǵylyqty jeri boiynsha tirkeý qyzmetteri eń kóp suranysqa ie. Bul týraly QR ishki ister ministrliginiń Facebook paraqshasynda ótken tikelei efirde aityldy, dep habarlaidy QazAqparat.
«Tsifrlandyrý máselesi jumys tiimdiligin arttyryp, protsesterdi jeńildetedi jáne halyqqa kórsetiletin memlekettik qyzmetterdi qysqa merzimde oryndaýǵa múmkindik beredi. Sondai-aq, qyzmetkerlerdiń turǵyndarmen tikelei bailanysqa túsýine jol bermeidi. Osylaisha sybailas jemqorlyq táýekelderin azaitady», - deidi QR IIM resmi ókili Nurdildá Oraz.
Onyń aitýynsha, búgingi kúni ishki ister organdary azamattarǵa kórsetetin 40 qyzmettiń 38-i (95%) avtomattandyrylǵan.
«Onyń ishinde avtokólikti tirkeý, jeke basty kýálandyratyn qujattar men júrgizýshi kýálikterin berý, sondai-aq azamattardy turǵylyqty jeri boiynsha tirkeý qyzmetteri eń kóp suranysqa ie.
IIM júiesindegi tirkeý-emtihan bólinisteri taratyldy. Endi avtokólikterdi esepten shyǵarý jáne tirkeý, memlekettik nómir belgisin tańdaý jáne daiyn qujattardy jetkizýge tapsyrys berýdi qashyqtyqtan júzege asyrýǵa bolady, IIM bazalary boiynsha barlyq tekserýler avtomattandyrylǵan», - deidi ol.
