QR Ishki ister ministriniń birinshi orynbasary Janat Súleimenov «Ejelgi Rim» meiramhanasyndaǵy tóbeles týraly aqparattyń keshiktirilýi sebebin aityp berdi, dep habarlaidy QazAqparat.
«Bul turǵyda birinshi kezekte materialdardy zertteý, kýágerlerden jaýap alý, kózbe-kóz bettestirý, túrli saraptamalardy taǵaiyndaýdy eskerý kerek. Osy sharalardyń barlyǵy belgili ýaqytty talap etedi», - dedi Janat Súleimenov Ortalyq kommýnikatsiialar qyzmetindegi baspasóz máslihatynda.
Onyń sózine qaraǵanda, qazirgi kezde atalǵan oqiǵa boiynsha mán-jai anyqtala bastady.
«Eki jaqtyń da (tóbeleske qatysqan) adamdary anyqtaldy. Kúdiktiler qamaýǵa alynyp, tergeý amaldary jalǵasýda», - dedi J. Súleimenov.
Budan buryn habarlanǵandai, QR IIM Ishki jáne syrtqy kommýnikatsiialar departamentiniń direktory Almas Sadýbaev Qaraǵandydaǵy tóbelestiń sebebin aitty. Aita keteiik, Qaraǵandydaǵy kisi ólimine qatysty 8 kúdikti tutqyndaldy.
