قر ٸشكٸ ٸستەر مينيسترٸنٸڭ بٸرٸنشٸ ورىنباسارى جانات سٷلەيمەنوۆ «ەجەلگٸ ريم» مەيرامحاناسىنداعى تٶبەلەس تۋرالى اقپاراتتىڭ كەشٸكتٸرٸلۋٸ سەبەبٸن ايتىپ بەردٸ, دەپ حابارلايدى قازاقپارات.
«بۇل تۇرعىدا بٸرٸنشٸ كەزەكتە ماتەريالداردى زەرتتەۋ, كۋەگەرلەردەن جاۋاپ الۋ, كٶزبە-كٶز بەتتەستٸرۋ, تٷرلٸ ساراپتامالاردى تاعايىنداۋدى ەسكەرۋ كەرەك. وسى شارالاردىڭ بارلىعى بەلگٸلٸ ۋاقىتتى تالاپ ەتەدٸ», - دەدٸ جانات سٷلەيمەنوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ سٶزٸنە قاراعاندا, قازٸرگٸ كەزدە اتالعان وقيعا بويىنشا مەن-جاي انىقتالا باستادى.
«ەكٸ جاقتىڭ دا (تٶبەلەسكە قاتىسقان) ادامدارى انىقتالدى. كٷدٸكتٸلەر قاماۋعا الىنىپ, تەرگەۋ امالدارى جالعاسۋدا», - دەدٸ ج. سٷلەيمەنوۆ.
بۇدان بۇرىن حابارلانعانداي, قر ٸٸم ٸشكٸ جەنە سىرتقى كوممۋنيكاتسييالار دەپارتامەنتٸنٸڭ ديرەكتورى الماس سادۋباەۆ قاراعاندىداعى تٶبەلەستٸڭ سەبەبٸن ايتتى. ايتا كەتەيٸك, قاراعاندىداعى كٸسٸ ٶلٸمٸنە قاتىستى 8 كٷدٸكتٸ تۇتقىندالدى.
