Tabiǵatty qorǵaý inspektorlaryna shabýyl jasaýy múmkin kúdiktilerge memleketaralyq izdeý jariialandy, dep habarlaidy "Ult aqparat" QR IIM baspasóz qyzmetine silteme jasap.
«Qaraǵandy oblysynyń politsiia deparatmenti 13 qańtar kúni Qaraǵandy oblysy Nura aýdanynda bolǵan «Ohotzooprom» ÓB» RMQK inspektorynyń ólimi boiynsha sotqa deiingi tergeý jumystaryn júrgizip jatyr. Keshendi tergeý jumystarynan keiin qylmysqa qatysy bar úsh adam anyqtaldy. Kúdiktilerge memleketaralyq izdeý jariialandy», - delingen habarlamada.
Sondai-aq ministrlik aty-jónderi anyqtalǵan K.V. Aqshanovtyń, B.M.Ahmetov jáne N.M.Shúkildekovtyń sýretin jariialady.
Eske sala ketsek, osydan birneshe kún buryn 5 kiik atqan brakonerlermen qaqtyǵysta aýyr jaraqat alǵan «Ohotzooprom» ÓB» RMQK inspektory Erlan Nurǵaliev 15 qańtarda Astananyń №1 aýrýhanasynda qaitys bolǵan edi.
Osy oqiǵadan soń QR IIM Ishki jáne syrtqy kommýnikatsiialar departamentiniń direktory Almas Sadýbaev inspektor ólimine qatysty brakonerlerdiń barlyǵy anyqtalǵandyǵyn habarlady.
Qaraǵandy oblysynyń Politsiia departamenti kúdiktiler týraly qandai da bir málimet biletinder bolsa 8(7212)429204, 429190, 429025, 429026 nemese 102 nómirine habarlasýdy suraidy.
