Politsiia qyzmetin baǵalaýdyń jańa júiesi engizildi. Bul týraly halyqqa esep berý kezdesýinde QR Ishki ister ministri Erlan Turǵymbaev aitty, dep habarlaidy QazAqparat.
«Ishki ister organdaryn reformalaý boiynsha júrgizilip jatqan jumysty erekshe atap ótkim keledi. 2018 jyly Elbasy Nursultan Ábishuly Nazarbaevtyń bastamasymen 3 jylǵa arnalǵan Jol kartasy qabyldandy. Ol boiynsha mynadai nátije bar: qyzmetkerlerdiń shtattyq sany 13,5 myńǵa qysqardy; 106 basqarý bólimderi men 1483 basshylyq laýazymdar taratyldy», - dedi ministr.
Onyń atap ótýinshe, búginde politseilerdiń sany 100 myń turǵynǵa shaqqanda 471-den 369-ǵa deiin azaidy.
«Bul eýropalyq eldermen sáikes keledi. Ákimshilik shyǵyndar azaidy. Jumys úshin qajetti jaǵdailar jasaldy: áleýmettik qorǵaý, turǵyn úi jaǵdailary jaqsardy, qyzmetkerlerdiń jalaqysy kóterildi. Qyzmetkerlerdi oqytý júiesý qaita qaraldy. Qyzmetke qabyldaý talaptary kúsheidi. Politsiia qyzmetin baǵalaýdyń jańa júiesi engizildi. Endi politsiianyń jumysyna halyq baǵa beredi. Táýelsiz institýttar áleýmettik zertteýler júrgizip, qaýipsizdik deńgeii jáne halyqtyń politsiiaǵa senimi boiynsha baǵalaidy», - dedi Erlan Turǵymbaev.
