Aldaǵy ýaqytta Ishki ister ministrligi kórsetetin birqatar memlekettik qyzmet túri Azamattarǵa arnalǵan úkimet (egov.kz) portalynda qoljetimdi bolady. Bul týraly IIM-niń onlain baspasóz máslihatynda ministrliktiń Kóshi qon qyzmeti komiteti tóraǵasynyń orynbasary Sabyrjan Seiitjanov málim etti, dep habarlaidy "Ult aqparat".
Ishki ister organdary kórsetetin memlekettik qyzmettiń tómendegi túrlerin aldaǵy ýaqytta egov-tan alýǵa bolady:
- buryn esepten shyǵarylǵan kólik quralyn satýǵa bailanysty qaita tirkeý;
- esepte turǵan jáne esepten shyǵarylǵan kólik quraldaryn zańdy tulǵalardyń atyna qaita tirkeý;
- esepte turǵan jáne esepten shyǵarylǵan motokólik, tirkeme ieleri úshin kólik quraldaryn qaita tirkeý;
- joǵaltqan nemese anketalyq málimetter aýystyrylǵan jaǵdaida kólik quraldaryn tirkeý týraly kýálandyrýdy aýystyrý, sonymen qatar kóliktiń memlekettik nómiri joǵalǵan nemese zaqymdalǵan jaǵdaida aýystyrý qyzmeti;
- qyzmet alýshynyń atyna tirkelgen memlekettik nómirdiń dýblikatyn daiyndaý.
Eske sala ketsek, Ishki ister ministrligi memlekettik qyzmetti kórsetý protsedýralaryn qysqartyp, ákimshilik kedergilerdi tómendetip, qyzmetkerlerdiń bul iske aralasýy men para alý yqtimaldyǵyn azaityp jatyr. Jyl basynan beri 9 memlekettik qyzmet avtomattandyryldy. Onyń 8-i qarý ainalymyna, 1-i qarýdy qylmystyq sipatta zertteý salasyna qatysty. Búgin de avtomattandyrý deńgeii 88,6 paiyzdy quraidy. Iaǵni barlyq 44 qyzmettiń 39-y avtomattandyrylǵan.
