Atyraý oblysy jáne qalasynyń politsiia basshylary jazalandy, dep habarlady búgin QR Ishki ister ministrliginiń baspasóz qyzmeti.
Atyraý oblysyndaǵy patrýldik politsiia batalonynyń qyzmetkerine qatysty BAQ-ta jariialanǵan syni beinematerial boiynsha Ishki ister ministri oqiǵa ornyna baryp qyzmettik tekserý júrgizdi.
«Jol qozǵalysy» týraly zańdy buzýyna bailanysty júrgizilgen tekserý qorytyndysy jáne vedomstvolyq buiryqtar boiynsha kólik quralyn sebepsiz toqtatqany úshin batalonnyń úsh qyzmetkeri jumysynan bosatyldy.
Sondai-aq, jeke quramdy qadaǵalaýdy bosańsytqany úshin atalǵan bólinistiń komandiri men Atyraý qalasy jergilikti politsiia qyzmetiniń bastyǵy qyzmetinen alyndy.
«Qatań tártiptik jazaǵa Atyraý qalasy Politsiia basqarmasynyń basshylyǵy, oblystyq JPQ jáne oblystyq Politsiia departamenti bastyǵynyń osy salany qadaǵalaityn orynbasary tartyldy», - delingen habarlamada.
